板長壽司 (Closed)

考完試同朋友黎板長食當慶祝。我地首先叫左一碗讚歧烏冬打底。以壽司店黎講，板長既烏冬相當唔錯，爽口彈身，湯底都幾開胃。板長既壽司雖然真係唔平，但係我覺得物有所值。基本上，所有壽司既魚生都係店到碟既，而且，魚生真係有鮮味，唔似好多鋪頭既魚生無乜味。板長既壽司飯量係比較少既，依個有好有唔好啦，板長唔會每一客壽司都比一大舊飯填飽你，不過大食既朋友就可能比較難食得飽啦。壽司飯係手握既，比較暖身同鬆身，同一般既壽司有幾大既分別。