廚十三老壇酸菜魚 (亨環‧天后) (Closed)

今晚去天后附近搵食，行過見到有個新商場，裡面有間我都十分喜歡食嘅餐廳，當然唔使想上去啦，全層都係餐廳，地方闊落，裝修格局同其他分店差不多，坐下望望餐牌就可以落單，當然個老壇酸菜魚係必點，份量兩人份都十分足夠，加埋啲配料，當然係最愛嘅厚切午餐肉，同埋個彈牙煙韌嘅米線，另小食當然要點這裡嘅招牌小食酥炸無臉男，同埋個麻辣牛𦟌！麻辣牛𦟌上枱大碟，牛𦟌一片片疊住浸在香濃嘅麻辣醬汁上，入口肉質口感比較煙韌，但味道比較鮮美，不肥不膩，加上麻辣味道入口味道份外濃郁！酥炸無臉男，其實係炸豬肉條，炸得十分香脆，加埋少少辣粉入口十分刺激！當中豬肉條有肥有瘦嘅位置，一咬開時肥美嘅油脂從中滲出感覺十分正！主角就係用大碗上嘅老壇酸菜魚，望見都已經開始流口水，材料十足有大量爽口濃味酸菜之餘，還有大大塊嘅魚片，啖啖肉沒有骨，真係啱曬最怕有骨嘅我啦！而當中還有爽口嘅蓮藕片，加埋厚切嘅午餐肉，大大塊啖啖肉，真係真材實料！米線雖然一早浸在湯中，但仍然都係煙韌爽口配埋個湯底入口，米線真係份外好味！高裡座位舒適座位闊落，加埋店員殷勤嘅招待，整體十分滿意！