Video
Read full review
2021-08-10
332 views
自從識得食辣之後，真係每個星期都想食麻辣😂 今次陪個friend買完水晶，順便喺旺角搵間麻辣食~ 每次搭車經過 Ladder Dundas都好好奇呢幢大廈有咩食，所以今次揀咗麻辣小聚🔥 上到去地方唔算大，但係感覺幾舒服，有幾個餐可以揀，但係望落好似自選香鍋最吸引🤤唔止有得自己揀餸，仲有無限食鴨血同埋冰粉！今次仲唔係大滿足？🥰🥰🥰平時如果想食乾鍋嘅話，會去厚福街果一間，今次試吓呢一間睇吓邊間好食😆揀完要水煮定係乾鍋之後，就可以揀自己鍾意食嘅餸，選擇咁多，真係幾難揀😮💨就咁睇選擇來講，呢一間唔同啲，多啲海鮮（魚、蜆、海蝦同鮑魚）、蔬菜（好多唔同菜同埋菇都有）同肉類（牛肉都有安格斯肥牛同鮮牛肉，仲有豬手粒雞丁），揀揀下都真係眼花撩亂，越揀越多🙈🙈落左單之後，好快就上鴨血，原本都有少少擔心鴨血嘅質素，始終任食，唔好食嘅鴨血真係可以口感又差又腥㗎！不過！呢度嘅鴨血好似食啫喱咁，又滑，咬落又有口感！麻辣有香有惹味，又有蒜香！味道唔會好死咁～我哋兩個唔客氣咁好快已經食咗兩碗（一般大概有五件左右）😆😆乾鍋到啦～我哋兩個女仔最後好似嗌咗10款餸😂😂睇到幅相就知有幾豐富啦🌝🌝其實好多餸都係正常發揮，例如
上到去地方唔算大，但係感覺幾舒服，有幾個餐可以揀，但係望落好似自選香鍋最吸引🤤
唔止有得自己揀餸，仲有無限食鴨血同埋冰粉！今次仲唔係大滿足？🥰🥰🥰
平時如果想食乾鍋嘅話，會去厚福街果一間，今次試吓呢一間睇吓邊間好食😆
揀完要水煮定係乾鍋之後，就可以揀自己鍾意食嘅餸，選擇咁多，真係幾難揀😮💨就咁睇選擇來講，呢一間唔同啲，多啲海鮮（魚、蜆、海蝦同鮑魚）、蔬菜（好多唔同菜同埋菇都有）同肉類（牛肉都有安格斯肥牛同鮮牛肉，仲有豬手粒雞丁），揀揀下都真係眼花撩亂，越揀越多🙈🙈
麻辣鴨血
26 views
0 likes
0 comments
落左單之後，好快就上鴨血，原本都有少少擔心鴨血嘅質素，始終任食，唔好食嘅鴨血真係可以口感又差又腥㗎！不過！呢度嘅鴨血好似食啫喱咁，又滑，咬落又有口感！麻辣有香有惹味，又有蒜香！味道唔會好死咁～我哋兩個唔客氣咁好快已經食咗兩碗（一般大概有五件左右）😆😆
麻辣乾鍋
16 views
0 likes
0 comments
乾鍋到啦～
我哋兩個女仔最後好似嗌咗10款餸😂😂睇到幅相就知有幾豐富啦🌝🌝
其實好多餸都係正常發揮，例如寬粉、午餐肉、萵筍同青瓜等等，特別值得highlight 係番薯蜆洗得好乾淨，一點沙都冇，呢種煮法都keep到鮮味👍🏻 另外仲有鮮牛肉，一啲都唔韌，食得出無「那」過👍🏻👍🏻
剁椒蟶子
$18
12 views
0 likes
0 comments
雖然已經有咁多嘢食，個staff提議我哋可以試吓佢哋嘅剁椒蟶子， $18.8一隻，見到隔離枱食得咁開心，飽都想試吓！食落又真係新鮮喎！美中不足係冇整走啲腸🙈不過真係抵食又好味！
成餐飯越食越開胃，一路傾偈一路飲番杯啤酒，好relax！
黑糖冰粉
62 views
1 likes
0 comments
黑糖冰粉做一個完美總結，我哋都已經飽到食唔到第二碗啦😂
最後唔知你哋有冇留意到，乾鍋入面唔係辣椒多過餸，都唔係一半辣椒一半餸，呢度先係正常，呢點係讚！😂😂👍🏻👍🏻
Post
