Video
Read full review
2022-08-06
899 views
朋友係地膽，特登帶我哋嚟食好西，大家吹住水行行吓，朋友無啦啦停低，原來已經到咗，鋪頭位置都幾隱蔽，唔留神真係會直接行過咗鋪頭大概有十個位左右，當晚全店滿座一個師傅負責𝑆𝑒𝑟𝑣𝑒我哋四個𝐵𝑜𝑜𝑘位嘅時候，朋友已經係𝑊𝑡𝑠同師傅溝通過有咩海鮮想食同唔食其實我哋咩都想試，都冇乜嘢係唔食去到師傅都循例問多我哋一次有冇嘢唔食，係貼心嘅入座即奉上茶同漬物，漬物有醃蘿蔔、醃子姜、鮮長芋長芋即係日本准山，第一次生食准山，好新奇個人覺得生准山好食過熟准山，口感爽脆，帶有少少潺師博見到客人碟上嘅漬物食得𝟽𝟽𝟾𝟾，會自動添加 以下係順上菜次序分享： 前菜打頭陣有水雲醋，水雲醋酸酸地，好開胃入面除咗有水雲，仲加咗秋葵、長芋，令到賣相更精美 第二道菜係梭子魚刺身，師傅將魚皮炙燒過，更突出魚嘅油香 第三道菜係北海道毛蟹&醬油八爪魚，先食蟹肉蟹肉拆好晒，啱晒我呢啲鍾意食蟹又懶得拆肉嘅人再嘆埋我至愛嘅八爪魚，好滿足 第四道菜係利尻海膽墨魚壽司，老公最鍾意呢道菜呢道菜睇得出好考功夫，見師傅拎咗盒利尻產海膽出嚟再將切好嘅墨魚片好溫柔咁包住啲海膽，要做到啲海膽唔爆出嚟，真係高難度再加埋魚子醬點綴，勁精緻，海膽同墨魚都
大家吹住水行行吓，朋友無啦啦停低，原來已經到咗，
鋪頭位置都幾隱蔽，唔留神真係會直接行過咗
鋪頭大概有十個位左右，當晚全店滿座
一個師傅負責𝑆𝑒𝑟𝑣𝑒我哋四個
𝐵𝑜𝑜𝑘位嘅時候，朋友已經係𝑊𝑡𝑠同師傅溝通過有咩海鮮想食同唔食
其實我哋咩都想試，都冇乜嘢係唔食
去到師傅都循例問多我哋一次有冇嘢唔食，係貼心嘅
入座即奉上茶同漬物，漬物有醃蘿蔔、醃子姜、鮮長芋
長芋即係日本准山，第一次生食准山，好新奇
個人覺得生准山好食過熟准山，口感爽脆，帶有少少潺
師博見到客人碟上嘅漬物食得𝟽𝟽𝟾𝟾，會自動添加
以下係順上菜次序分享：
前菜打頭陣有水雲醋，水雲醋酸酸地，好開胃
入面除咗有水雲，仲加咗秋葵、長芋，令到賣相更精美
第二道菜係梭子魚刺身，師傅將魚皮炙燒過，更突出魚嘅油香
第三道菜係北海道毛蟹&醬油八爪魚，先食蟹肉
蟹肉拆好晒，啱晒我呢啲鍾意食蟹又懶得拆肉嘅人
再嘆埋我至愛嘅八爪魚，好滿足
第四道菜係利尻海膽墨魚壽司，老公最鍾意呢道菜
呢道菜睇得出好考功夫，見師傅拎咗盒利尻產海膽出嚟
再將切好嘅墨魚片好溫柔咁包住啲海膽，要做到啲海膽唔爆出嚟，真係高難度
再加埋魚子醬點綴，勁精緻，海膽同墨魚都好鮮甜
第五道菜係金目鯛配炸金目鯛魚鱗，呢道係朋友話必試
果然名不虛傳，肉質細嫩，再加炸魚鱗，夠晒惹味香口
連魚鱗都用埋冇浪費，真心欣賞
第六道菜係北海道赤鮑魚，有兩塊厚切鮑魚，心心眼
鮑魚勁淋，入口滿滿幸福，呢道菜係我最鍾意
師傅教先食一塊原味，另一塊沾鮑魚肝醬食
個人比較鍾意原味多啲，更加食到鮑魚嘅鮮味
鮑魚肝醬都香，用嚟沾飯團仔就一流
第七道菜係赤鯥，呢個要用手接，有濕紙巾提供俾客人抺乾淨隻手先
輕輕炙熱過嘅赤鯥，配埋多到就瀉嘅魚子
再用脆卜卜嘅紫菜包住，油脂香充滿晒成個口腔
第八道菜係北海道榮螺，呢道菜由靚女姐姐(妹妹)捧上
用咗螺殻裝住啲螺肉同湯，螺肉切到大大粒，份量算多
肉質都Ok，唔會煮過龍，但個湯就好咸
朋友之前嚟試過同一道菜，話個湯勁鮮甜，今次重手咗
第九道菜係北海道甘海老壽司，
甜蝦好新鮮，再加埋櫻花蝦乾，好香
第十道菜係沙甸魚壽司，有少少腥，大家都一致認為呢個唔太啱口味
如果下次問有咩嘢唔食，可以答沙甸魚哈哈
第十一道菜係燒鰻魚，朋友大愛
鰻魚燒得啱啱好，外脆內軟
係略嫌有啲漏，再加上我食到呢到已經有少少飽肚感
另一舊我俾咗老公食，留返個肚食其他好西
第十二道菜係北海道白粟米刺身，
係日本出本先夠膽生食，睇個樣平平無奇
一食落原來勁甜勁有粟米味勁爆汁，超正
第十三道菜係百日熟成吞拿魚壽司，
百日熟成青森縣大間釣，聽個名都知係正野
但我唔好吞拿魚，食唔出咩大道理，牛嚼牡丹
第十四道菜係炭燒百日熟成吞拿魚壽司，
同一種魚，但兩種食法，呢款係用備長炭烘過
見師傅準備晒架生，好似睇緊表演咁
如果同上道菜比較，我會鍾意呢道多啲，鍾意個炭香味
第十五道菜係北海道角螺刺身，爽口又鮮甜，最鍾意呢啲爽脆嘅口感
第十六道菜係北海道白象拔蚌壽司，用嚟做刺身已經正
第十七道菜係馬糞海膽壽司，我係食唔出利尻產同呢款有咩分別
但可以講嘅係兩款都好鮮甜，食完會仲想食
第十八道菜係厚燒玉子，入面加咗蝦，就算師傅冇講都食得出
多咗蝦嘅鮮味，好食過出面嘅玉子，同埋冇咁甜
第十九道係魚湯，比較清淡
第二十道係北海道哈密瓜配焦糖布甸，靚女姐姐(妹妹)提我哋先食瓜再食布甸，布甸甜度啱啱好
真係勁滿足，為今餐畫上完美句號
我同朋友就飽到上心口，冇諗過會咁飽
但老公唔夠飽，師傅整多件白身魚壽司同干瓢手卷俾佢
我好奇試咗啖干瓢，超級甜，我麻麻地
師傅話個餡係用瓜整，又識多樣野
我另外叫咗杯巨峰乳酸梳打，夠晒酸好好飲
師傅好專業又𝑛𝑖𝑐𝑒，有問必答，今餐飯學到好多野
我哋唔記得啲魚名，師傅都不厭其煩重複同我哋講
又有效率，我哋遲嚟，但食嘅進度仲快過隔離枱
(其實係我一個令到全村人遲到，真係唔應該遲到🙇🏿♀️)
完全唔覺得食到好𝑐ℎ𝑢𝑟，仲有時間俾我哋慢慢影相打卡
仲有兩個靚女姐姐(妹妹)幫手，服務態度同樣一級棒，又會同客人傾吓計
成餐飯食得好輕鬆，一啲都唔覺得拘謹
朋友果然冇介紹錯，有機會一定再嚟
Post
