尚八日式燒肉店 (Closed)

好難得約到朋友食放題，今日黎左最多放題既地方旺角，搵到呢間餐廳～餐牌朋友因為塞車遲左，係等緊朋友個時，問員工有咩好推介，D職員既服務好好啊，佢好好人咁推介左以下既食物比我地。好快就上左燒肉刺身拼盤做前菜，好新鮮，海膽完全唔腥，隻蝦好甜，三文魚腩又厚。芒果海老紙米卷，好fresh, 有啲似芒果糯米飯。員工推介燒汁牛胸腹，山葵牛小排，青森蘋果壺漬赤豚肉，岩鹽燒牛舌。初頭以為會好濃味，但其實味道淡淡地，我地就試哂佢啲醬汁(燒汁，檸檬汁，蒜蓉汁)。帆立貝同個香草牛油醬分開上，燒個時先加上去，大大隻又肥美。本身想叫埋燒蜆，但因為係季節限定，所以無，但員工話可能轉頭會有(笑)。不過我地早走左，所以最後都無試到。見到menu到有道菜叫尚八腸，問左先知係豬腸，原本就係熟既，但想入味啲就醃完放雪櫃，燒個時只要輕輕炒下就得。不得不提個雞腎，又薄又有口感，又入味點埋個蒜蓉汁(加玫瑰鹽)一流呀。食放題點可以唔食甜蕃薯同燒菠蘿，甜薯就咁放個兜到唔洗理佢，由佢燒，期間重可以燒下其他野，而燒菠蘿又係要燒好耐既，完全唔洗理佢。最後呢度竟然有韓國雪條！梗係食返條Melona雪條先走啦，正。