四寶食堂 (華凱大廈)

Open Now

Now Closed

住喺炮台山多年，想食個好味的沙嗲牛肉麵都幾困難。前排見到四寶食堂新開張，今日就試一試。 星期日朝早830，都已經要排一排隊先入座，不過又唔洗等好耐。 店員有禮貌帶入座，重要比個卡位我坐。望望餐牌，都好多款早餐可以選擇，不過本人就鍾情沙嗲牛肉麵， 所以都係唔洗諗，就招牌餐啦。招牌餐，香濃沙嗲牛肉麵，嫩滑炒蛋，餐包。早餐送到黎，香噴噴鮮黃色的炒蛋就送到眼前。 炒蛋蛋味濃郁，食落有creamy感覺，重有少少蛋汁，份量重好驚人。沙嗲牛肉麵，沙嗲汁有好香濃的花生味，微辣，沙嗲汁重可以掛麵，變成港式日本沾麵？，牛肉質感似牛頸脊， 厚切，有咬口， 唔似坊間的牛肉，用粉整到林哂，無哂牛肉味。呢個沙嗲牛肉麵果然係招牌餐， 精彩。奶茶就茶味香濃，熱度夠，合我口味。終於喺炮台山終到精彩的沙嗲牛肉麵。