滿屋雞蛋仔 (Closed)

今日下午大鄉里蝸牛去對面海送年糕，3點完成後尾站去新都城同牧場一家食團年飯，去到覺得有d餓，行行吓又去左食滿屋雞蛋仔。之前都係食佢的原味配士多啤梨醬，已經覺得好味，今次就試左佢棉花糖系列的榛子朱古力忌簾夾心餅雞蛋仔同熱海鹽芝士玫瑰烏龍，兩款都唔錯。等咗大約5分鐘就有飲品啦，打開蓋飲，奶蓋很滑，芝士味中帶微咸，當中又帶有玫瑰的淡淡清香和烏龍茶的甘香，四樣看似風馬牛的東西又出奇的夾。雞蛋仔係即點即做，等左大約10分鐘先有，雞蛋仔上有一粒半個手掌大的烤棉花糖，再有不少朱古力醬和一些碎Oreo 餅。棉花烤得外脆內溶，撕一粒雞蛋仔點1些，又是一種邪惡的新口味。雞蛋仔也保持一水準，外微脆，內軟有蛋香味。