Dodam Chicken (1亞太中心) (Closed)

今日好想食炸雞，所以就同男朋友去觀塘嘅dodam chicken，之前食過覺得唔錯所以就一於再encore 我哋揀咗兩個味嘅炸雞雙拼，包括香蒜脆雞同埋韓式甜豉油脆雞。兩款我哋都揀咗無骨嘅，咁樣就可以啖啖肉。 炸雞嚟到超壯觀，顏色好靚，令人好有食慾，炸雞份量超級多， 20件起跳。同之前食一樣保持到水準，炸雞雖然淋左醬汁，但係都keep到皮超鬆脆。韓式甜豉油味甜甜地，好惹味 ，香蒜脆雞就勁濃嘅蒜味。兩款雞嘅醬汁都完美包裹住雞件，真係好唔錯！驚食唔飽嘅我哋仲叫咗一個韓式手抓飯，呢個手抓飯好食得嚟又可以自己動手。飯上面淋滿紫菜，蟹柳絲同埋滿滿嘅蟹籽，仲有沙律醬。我哋就自己撈埋 ，將飯包成一粒粒咁樣食 ，口感超豐富 ，而且好多配料，所以絕對唔會食厭。