茶木‧台式休閒餐廳 (屯門市廣場1期)

Open Now

Now Closed

今日收工女朋友話好攰唔想煮飯，所以就出左去食，近近地搵左間茶木，估唔到原來大有驚喜！環境相當唔錯，成間餐廳都用左木系，好舒服好溫暖既感覺晚市有二人餐，有主食小食野飲，幾抵食，一於就揀呢個！小食紅油抄手同鹽酥雞，賣相相當唔錯，抄手唔會太辣岩岩好，鹽酥雞炸到脆卜卜，好食！飲品方面都係偏向台式飲品，估唔到有奶蓋飲相當於出面買個啲手搖飲品，但呢到整得好靚，同埋套餐包埋勁抵！女朋友叫左個三文魚茶漬飯，三文魚勁大條，但重點係個茶漬，飲落好有層次，先係高湯既味道，後勁仲有啲茶香，加埋啲飯到配料食勁好味，推薦！香煎沙朗肉燥飯，肉味好出，食落好軟身唔會好硬，肉燥又夠咸餸飯一流！套餐仲可以加個甜品窩夫，脆身窩夫配埋忌廉食好好味食完個細甜品有啲唔夠喉，再追加多個流心歐歐，估唔到勁出色！首先賣相已經媲美出面啲甜品專門店，色彩繽紛睇見已經食指大動，打開個包原來入面fill滿晒類似奶蓋既準，少少杰身食落甜甜地。麵包亦烘到完完全全脆身，點埋個醬食真係停唔到口，無諗到個甜品會咁大份，但又真係好食到唔捨得浪費，最後我地都頂住個肚走！