倫哥火鍋私房菜 (Closed)

今日放假去咗濕地公園一日遊， 非常大風，地方又大， 好彩都睇到彈塗魚， 都叫特別少少。 入面得一間大家樂，求其醫飽個肚就出嚟搵好嘢食， 落到元朗，見到呢間倫哥火鍋私房菜， 有刺身、有雞煲、有海鮮， 唔使諗今日就去呢度試下。 餐廳裝修簡約， 環境舒適， 座位之間都仲有空位， 坐得都舒服。刺身方面，好快送到！有甜蝦、三文魚、帶子、八爪魚、北寄貝又多又新鮮，質素非常之高，特別是甜蝦非常之甜美。雞煲味道夠，很入味！而且有洋蔥，蒜頭等配料很香！雞煲首先要攪拌四次才可以吃（因為店員說雞是生的，要繼續煮，攪拌防痴底）店員會幫我們攪拌的，很好服務👍火鍋配料超級豐富，有海鮮拼盤、包括：聖子、象拔蚌、白蜆、龍躉、白鱔、海蝦、蠔、魷魚和蟹等。海鮮非常新鮮、非常鮮甜，樣樣都高質素！當中有些海鮮還可追加。除咗海鮮之外，仲有手切牛頸脊，爽滑牛味濃！非常之好味，值得推介。墨魚滑、蝦滑都非常之出色，爽口彈牙。另外炸魚皮、響鈴、丸、餃等都必食。飲品方面，除咗一般汽水之外，還有韓國飲品，其實都唔使再加嘢食，以到嘅食物都食到好飽，要捧住個肚走，飽到上心頭，非常之滿足，值得推介比大家👍😋