鳴門割烹料理 (Closed)

今日同朋友黎咗九龍灣，見到「鳴門割烹料理」周末做半自助餐，於是過咗黎一試。主食方面我就叫咗三色丼，入面有吞拿魚蓉、海膽同三文魚籽。雖然唔算大碗，但食得出好新鮮。朋友就叫咗鍋燒牛柳粒目玉丼，送上嚟嘅時候熱辣辣出晒煙，見到有好大粒嘅牛柳粒係面，而且啲醬汁好充足啖啖飯都食到有醬汁味。而且跟餐仲送上冰鎮磯燒鮑魚，鮑魚食落好彈牙。任食方面，我哋當然不得不點刺身及壽司，啲刺身上黎都好新鮮同夠凍，而我哋最欣賞嘅就係甜蝦，條條都大大隻。而且我哋仲有叫咗炸物同燒物，味道方面都ok，但如果再熱啲會好食啲。另外仲叫咗麵豉湯同枝豆。飯品方面叫咗巨峰及白桃乳酸特飲，都好好味。