Little Vegas

Open Now

Now Closed

最鐘意簡簡單單的小店，一方面食物有特色，店面設計又靚，又食到連鎖店食唔到的味道。 黑炭墨魚餅漢堡，跳出漢堡就要配牛肉這個想法先，墨魚餅漢堡，蝦堡，炸魚堡就見得多，墨魚餅就較少見。墨魚餅好厚，將墨魚打成咁多個墨魚餅，中間仲要有好多墨魚粒。黑炭漢堡，同平日麵包不同，質感比較唔同，唔係平日軟身麵包，較有口感。而且拎出來之前，已分好了4小份，相當貼心。 饅魚雜錦意粉。真係好多饅魚。哈哈，除左半條厚切饅魚，係意粉的裡面，竟然仲有大量的饅魚粒。真材實料。醬汁方面，其實有點似日式炒鳥冬的香味，但配上意粉，加上日式魚片，變成了日式和風的意粉。 雞翼多重奏一共有9隻，係9隻。揀了柚子,水牛城及蜜糖味。3款都是分開放，咁就唔會搞亂唔同味道了。雞翼，人人都鐘意食，不錯不錯。 兩杯飲品，分別是宇治抹茶紅豆沙冰及特色奶茶。宇治抹茶紅豆沙冰，好濃，加上紅豆，天氣熱，就可以降一降溫了。特色奶茶，裡面的配料揀了咖啡喱哩。在飲奶茶的同時又有喱哩食，而且變成奶茶味加咖啡味。