Video
Read full review
2023-07-29
1708 views
今晚有朋自遠方來，想試下經典中菜、海鮮，所以就帶佢食好野。這間餐廳位於荃灣千色匯，係港九都已經有好多分店，主打一系列經典中菜，經常推出傳統創新兼備嘅菜式，一直都好出名。餐廳環境寬敞，裝修氣派豪華，一進去樓面侍應已經好熱情上小菜及開茶。餐牌選擇非常多，有傳統中菜又有海鮮燒味燉湯，立即選擇恐懼症🤣好彩店員熱心介紹今晚最新鮮嘅海鮮及招牌小菜。椒鹽魷魚鬚，好耐都冇食咁好食既魷魚鬚，炸到金黃酥脆，魷魚保持柔軟彈牙。薑蔥南非鮮鮑魚，鮑魚有手掌心咁大，𠝹開表面加以焗製變得好惹味，肉質保持到柔軟質地及鮮甜，完全唔會韌。 店員果然冇介紹錯，海蝦好厚肉，過油再拎去煎香之後，海蝦嘅殼好似脆片咁樣，成隻連埋殼都可以食埋。蟶子好大隻，長過隻匙羹，好鮮甜，肉質爽而不韌，蒜香味濃～ 龍鳳配套餐 $338 兩位金湯焗西澳洲龍蝦伊麵及黃金脆皮文昌雞半隻西澳洲龍蝦好大隻好足料，龍蝦蝦鉗勁大隻啖啖都係肉，鮮甜得黎又好有口感，金湯烹調入味，伊麵吸晒龍蝦及湯汁，好好味。金黃文昌雞半隻，外皮脆卜卜，而且啖啖肉，絕對唔會剩係得雞骨，好惹味。好少酒樓仲有燉湯可以點，我哋叫咗黑松露菌燉土雞湯和姬松茸燉翅群湯，兩個燉湯都好足料，無味精之
餐廳環境寬敞，裝修氣派豪華，一進去樓面侍應已經好熱情上小菜及開茶。餐牌選擇非常多，有傳統中菜又有海鮮燒味燉湯，立即選擇恐懼症🤣好彩店員熱心介紹今晚最新鮮嘅海鮮及招牌小菜。
椒鹽魷魚鬚，好耐都冇食咁好食既魷魚鬚，炸到金黃酥脆，魷魚保持柔軟彈牙。
椒鹽魷魚鬚
6 views
0 likes
0 comments
薑蔥南非鮮鮑魚，鮑魚有手掌心咁大，𠝹開表面加以焗製變得好惹味，肉質保持到柔軟質地及鮮甜，完全唔會韌。
薑蔥南非鮮鮑魚
15 views
0 likes
0 comments
店員果然冇介紹錯，海蝦好厚肉，過油再拎去煎香之後，海蝦嘅殼好似脆片咁樣，成隻連埋殼都可以食埋。
豉油王大海蝦
20 views
0 likes
0 comments
蟶子好大隻，長過隻匙羹，好鮮甜，肉質爽而不韌，蒜香味濃～
蒜蓉蒸蟶子
6 views
0 likes
0 comments
龍鳳配套餐 $338 兩位
金湯焗西澳洲龍蝦伊麵及黃金脆皮文昌雞半隻
西澳洲龍蝦好大隻好足料，龍蝦蝦鉗勁大隻啖啖都係肉，鮮甜得黎又好有口感，金湯烹調入味，伊麵吸晒龍蝦及湯汁，好好味。
西澳洲龍蝦金湯伊麵
14 views
0 likes
0 comments
金黃文昌雞半隻，外皮脆卜卜，而且啖啖肉，絕對唔會剩係得雞骨，好惹味。
金黃文昌雞
11 views
0 likes
0 comments
好少酒樓仲有燉湯可以點，我哋叫咗黑松露菌燉土雞湯和姬松茸燉翅群湯，兩個燉湯都好足料，無味精之餘，湯表面連油都無，健康又好好好飲😋😋
燉湯
19 views
0 likes
0 comments
今晚又食龍蝦又食鮑魚聖子，人均都唔使$500，有幾抵食都唔使多講，絕對會介紹多啲朋友過嚟試。
Post
