蚊蚊豬老火鍋 (Closed)

深水埗蚊蚊豬喺 Openrice 都幾多正評，之前都去過，今次又再黎，睇下又有咩新野! 平時正常時段任食 2 小時 每位$298加一 包烤魚+雞煲+邊爐 今次我地又轉下次序食咗條魚先~~我地叫咗唔辣既蕃茄清江烤魚，清江魚炸到金黃香脆，入口魚肉彈牙多汁而且無咩碎骨 食既時候再加埋蕃茄汁，剛好中和咗個油膩感。跟住就去下輪開始打邊爐，佢湯底選擇有羊腩煲、胡椒豬肚雞、藥膳魚頭等等不過我哋最後揀咗佢既夏日限定鍋，海虎蝦紅酒燴牛尾，上面有滿滿蝦油好香再加埋牛尾，個湯頭好濃郁邊爐配料都好多，佢會先黎一碟勁量級牛肉，仲唔係普通嘅平價肥牛，而係有花紋嘅安格斯肥牛，每一片都切得好薄，肉質好細嫩，入口即溶。另外仲有牛舌、牛板腱、牛粒等等跟住就叫刺身: 我哋就食咗三文魚、甜蝦同魷魚等等，全部新鮮彈牙。之後就係啲熟食： 我見好多回頭客都會叩佢地即炸小食，好似炸饅頭雞串等等，我就最推薦牛仔骨，因為個調味好惹味而且肉質肥瘦均勻~ 最後，當然仲有丸類啦，魚皮餃同埋菜 其實仲有雞煲，但我地根本已經食唔落... 另外仲有雪糕架! 都係啦，實在太飽了，唯有等下次再食啦~~