C1 Café Bistro (Closed)

前幾日朋友介紹呢間cafe嘅西餐。老老實實，我真係好少食西餐。一來一直覺得所謂西餐，只不過係將好少嘅嘢食用好大嘅碟裝住，的確觀感上係有feel好多，但對我嚟講真係唔夠......二來西餐真係好似好多規矩咁，連刀叉嘅擺放都要有禮儀，自問唔算老粗啦，但真係唔想食餐飯都咁多嘢要學......但呢間cafe真係令我對西餐改觀，分量足夠，又真係好食之餘，同埋環境真係唔錯。 嗰日我叫咗幾樣，分別係龍蝦湯、巴拿馬火腿配黑醋汁、粗薯條配黑松露沙律醬，仲有主菜Medium Rare嘅炭燒羊架配紅酒燒汁，加埋嘢飲都係$300樓下，價錢都ok。嚟到最緊要嘅嘢食，先講主菜，羊架真係燒得啱啱好，夠晒juicy嫩口，又唔會好肥，配埋紅酒燒汁都真係幾好。而且仲有薯仔四季豆中和吓，唔晒啖啖肉。之後講薯條，薯條正正常常，夠熱夠脆，但最令我驚喜嘅係佢嘅黑松露沙律醬。因為成日出街趕時間都食快餐店(某m某k)，佢地出嘅黑松露醬一大浸漏煤氣味，搞到我對黑松露醬有少少抗拒，但呢到d黑松露醬就係冇個浸難頂嘅味，而且佢d醬汁雪過嚟，配埋脆熱嘅粗薯條一冷一熱，加上黑松露嘅清香，唔錯！至於，巴拿馬火腿配黑醋汁，酸酸哋幾開胃，加埋木瓜墊底