蟹道 野田 (Moved) New Location

今日得閒，可以食好啲午飯時間得我同同事，包場呀我地都點咗懷石膳，服務員話今日有精選海產鮑魚、帶子同北海道海膽，當然要北海道海膽啦。先嚟頭盤，有魚子腐皮、鴨胸、唔記得、蠶豆、炸蝦、蟹肉蒸蛋、池魚刺身。魚子好彈，鴨胸好嫩，炸蝦粉漿加咗啲果仁一齊，脆口無比，蒸蛋有蟹肉，仲有蟹膏一齊，濃濃嘅蟹味好正，池魚兩塊厚切，我嫌太少呀。跟住師傅就將整理好嘅北海道海膽送上，一放入口真係唔想吞呀。跟住上嗰碟唔記得係乜，因為海膽實在太強。鱈場蟹腳春卷，春卷啱啱炸起，皮脆肉嫩，春卷入面仲有啲沙律醬，咁就食唔到蟹腳嘅味，但到有殼嘅部份，蟹腳味道出晒嚟呀。鯖魚燒完一啲都唔乾，魚油出晒嚟，仲好多汁添，不過有少少鹹，所以伴碟嘅用嚟中和番。毛蟹飯，粒粒飯都同啲蟹黐埋一齊，不過冇得添飯啵。麵豉湯平平無奇🤔錯喇，有驚喜架，唔知係唔係加咗啲蟹去整，所以好飲好多。士多啤梨奶凍，甜品我唔識品嚐，但味道唔錯架。以為好少嘢，點知我地兩個食完，都話好飽呀。