日日涮 (Closed)

中午在旺角睇完戲，揾地方醫肚，朋友提議打邊爐，去左一直都想試下的日日涮，呢間店在美孚都有間分店，成日都有見到宣傳單張。120分鐘午市火鍋放題,有8款湯底可以選擇，每人自選牛肉一款，不同牛肉不同價錢。然後仲有黑豚肉同雞肉。自助美食區有超過３０款火鍋料，還有自助甜品區和自助飲品。升級加錢就有刺身拼盤同海鮮拼盤。座位寬敞，環境衛生清潔，坐得舒服。我地揀左日式豆乳湯底同小魚蕃茄湯底，豆乳煮海鮮，蕃茄煮牛肉，味道超級好。我地另加錢要海鮮拼盤。蝦好鮮甜！波士頓龍蝦，肉質鮮甜彈牙，好厚實！比想像中仲要好！估佢晤到！帶子好新鮮，大粒又鮮甜。選了澳洲和牛，和牛達到A3 級數，物有所值。靚靚雪花紋，肉質嫩滑柔軟，不油膩，好易入口。朋友揀左牛小排，一睇d雪花就好吸引。肉質上等。另外仲有黑豚豬同雞肉，質素相當不錯。刺身拼盤也新鮮豐富。