大滿喜日本料理 (Closed)

約一大班朋友gathering當然要去食放題，今次朋友帶咗我去大滿喜，睇嚟餐廳都幾受歡迎，星期日既九點依然full晒。食過咁多間放題，呢間嘅刺身可謂數一數二既高質，首推象拔蚌，非常爽口，其次係三文魚，口感頗為細膩。大滿喜有多款火灸壽司，我朋友介紹我食左口魚壽司，雖然每一件都細細舊，但油脂感一流，左口魚表面有燒過，加上蔥花點綴，賣相吸引。另外餐廳嘅串燒不俗，例如牛舌，口感既軟脆又帶有彈性。燒羊架係必試，羶味不重，肉質鮮嫩多汁。仲有我最鍾意嘅燒翠玉瓜，非常juicy。我一向都係鰻魚控，大滿喜嘅燒鰻魚幾深得我心，外皮塗上醬汁，香甜可口。相比其他放題，呢間嘅選擇更多，食物質素有保證。