好景海鮮酒家 (Closed)

今日山長水遠入大澳，揾個地方醫肚先。喺永安街見到呢間好景海鮮酒家，一眼睇哂，一共十張枱，望落都乾淨企理既。呢度有精選套餐，喺22款餸揀2，3或4款餸，送白飯，分別係$198，$298，同$398。設加一，另收茶錢，每位$4。黎得大澳，梗係揀海鮮食，所以我哋全部餸都揀哂海鮮。椒鹽中蝦有八隻，有大有細。夠哂椒鹽味，要餸飯食。d殼好脆，食埋都得。蝦肉都算鮮甜嘅。蝦醬炒鮮魷，魷魚份量麻麻地，雖然蝦醬味好香，但係唔太新鮮，完全唔脆口。西芹就好多，爽甜西芹加埋蝦醬嘅鹹味，調得好啱味。清蒸魚壹條，居然係一條咁細條既䱽魚，肉薄又唔鮮，食落似雪藏，唔掂。總括而言，套餐嘅海鮮唔多掂，失望。