大澳德發 (Closed)

男朋友呢晚帶咗我去北角食大澳菜，聽到都覺得特別。食中菜係我嘅最愛，估唔到喺北角都可以食到大奧菜。 餐廳嘅裝修都幾特別，雖然有啲茶餐廳嘅風格，但係就裝得好中式味道。而且座位之間都相當闊落。 餐牌圖文並茂，方便食客揀食。 我哋叫咗《三弄脆皮鹹豬手》，大大碟，豬手燒到外皮卜卜脆，內層先嫩。配埋沙律醬，味道一流。 《海皇豆腐煲》 魷魚、豆腐、蝦、魚腩撈埋一煲。上枱嘅時候熱辣辣，海鮮肉鮮嫩，大大件，真係十分惹野，送飯一流。 《西蘭花炒帶子》，大大粒嘅帶子，加上西蘭花炒得夠鑊氣，見到都已經流晒口水，當然唔可以少得白飯呢個好拍檔啦。 飲品我叫咗一杯凍《紅豆冰》、一杯熱嘅《檸檬薏米水》，紅豆冰既紅豆唔會好硬，入口夠嚼勁，美食配紅豆冰，我自己都覺得邪惡。