La Piazza (Moved) New Location

難得週末可以出外搵食知道坑口附近有間西餐幾唔錯, 諗住去一試去到門口, 望入去得2台, 心諗正, 唔洗等位一開門入去, 侍應哥哥即刻伸大5隻手指STOP我問我有冇BOOK 位, 我話無, 跟住叫我企出去本來都OK, 唔知要BOOK位等左10分鐘佢出黎話無BOOK位只可以坐出面, 我話咁熱點食?佢開左個風扇但根本無乜風, 有風都係熱風坐係出面既感覺, 就係不停會有途人經過, 之後用奇怪目光望住你比著係我, 三十幾度坐係室外流晒大汗, 身邊重有幾隻野飛黎飛去咁樣食西餐, 我都唔想諗番起全程都係果D湯, 主菜, 咖啡湯一般, 主菜叫左西冷, 塊肉根本無味, 又好大條根, 失敗之作友人叫左個意粉, 不過不失食野途中想叫人加水之類, 唔好意思, 係無人會理你你要行番入間鋪, 不停揮手, 個哥哥過一陣先會行出間鋪服務你而我食完之後, 吉既位仍然係吉既, 唔知係唔係個客BOOK位可以包佢全日場?我係唔會再去幫襯。