La Piazza (Moved) New Location

我們3人在星期日下午3時多去到，店裡完全沒有客，開頭以為餐廳沒開，之後應該是老闆的女人招呼我們入內。佢的態度一開始也不是特別友善，我們點了拿破崙海鮮湯，蜆意粉，carbonara和三文魚扒。湯來了就開始出事了。因為湯是大size，另有兩個碗用來share，兩個碗邊都有一點乾的橙色漬，擦不走，但想到都不會直接用口掂碗邊就算了，一飲我地就覺得好咸，就同佢講，其實本來打算下句問佢拿杯熱水，怎料佢即刻起晒鋼咁話「唔係咸，係濃味! 我地好多客食開都唔會覺得咸」我地對佢既反應當堂打左個突。之後我地討論佢就後面眼超超，後尾過尼，又話「我地做左17年都係咁」我地本來都係表達意見，況且真係咸到飲多兩啖都飲唔落去佢完全不接受，態度和說話仲十分氣焰之後三文魚，order 時說medium來到是全熟除了湯，食物是可以的，但背脊骨落之後佢就好似啞左咁，包括埋單時，黑晒口面，淨係遞張單尼，多謝梗係冇，收左就算極冇禮貌最正係我地起身走佢就用背脊"得"住我地同廚房傾偈真係幾幼稚如果咁鐘意做熟客包冇意見既咪轉做私房菜囉，唔好打開門做生意其實我地都唔係第一次去，但以後絕不會再去貼錢買難受仲一D都唔平，lunch人均消費$

今日來開坑口，朋友之前提過呢間餐廳幾好食，於是lunch walk in，已經全院🈵️座，惟有30度坐出面啦🥵我叫左個香煎䲞魚配意粉$108，個䲞魚ok wor，唔會太咸，幾嫩滑，d配菜都幾好食😋，尤其個茄子🍆幾特別除咗main course之外，前菜一定會有蒜蓉包，另外仲有湯及2款沙律🥗三揀一，我揀左煙三文魚凱撒沙律，普普通通啦午餐有杯餐飲，是次午餐加一盛惠$119，午餐來講算幾貴，不過食物味道ok，份量都ok，服務都ok👌🏻

村入面既小餐廳，味道一流，用料都好足夠，仲有好好味既蒜蓉包😋食左個雲吞，用左牛肝菌做餡，啖啖香味，加上黑松露既醬，擺入口有幾個味道既層次。仲有軟殼蟹意大利飯，口感自己唔係好慣，但味道真係唔話得～食多幾啖都唔拒。甜品都好吸引，唔會好甜，係fresh既口感同味道～酒就好推薦，係果酒，易入口。朋友聚會食得，約會又好似幾好～

坑口村附近竟然俾我發現有一間前五星級酒店大廚ge意大利餐廳～～～～～裝修得簡單，勝在乾淨 整齊～😚👌舒適燒澳洲羊架羊架燒得好好，肉質口感豐富有三件！同 fd share羊蘇味唔勁， 5成岩岩好～連平時唔太食羊既我 我竟然覺得好味wo!!! 另外配上 黃芥末真係好夾， 食埋個薯蓉就啱啱好夠飽！！！走之前老闆推介我💯意大利帶子牛肝菌雲吞💕賣相好特別rrr充滿牛肝菌 好多汁係面～第一次try 食意大利雲吞 相比起香港嘅意大利嘅雲吞味道好濃沃呀😋😋😋

原來已經幫襯了十六年咁耐，真係對不起，完全忘記了為他們的美食寫段食評，記憶中每次開車過來Lunch，都是與最佳拍檔或生意伙伴來午餐。山長水遠來這裡午餐，全因為泊車方便，Set Lunch抵食好食，有中環/尖沙咀扒房級數，但係一半價錢，此店坐位比較少，所以記得要致電book位先。由餐牌中可見，前菜三選一，餐湯或沙律都做得很出色，可惜未能兩者兼得！主菜通常都有肉/魚/飯或意粉可揀，所以唔怕你係素食者或肉食愛好者也能兼顧。最後嚟一杯飲品，但可惜跟餐沒有甜品！

星期日中午來此食晏，幸運地咪錶停車場有位，餐廳人客都不擠擁，每人送上兩片蒜蓉包，蒜蓉包做得好精緻，香口又柔軟。set lunch 有羊架，燒豬仔骨和意粉選擇，價錢都好經濟，可惜沒有牛排選擇。 羊架份量十足，肉質鬆軟。parma ham 意粉 的parma ham 和 意粉都偏硬，不過味道好好味，蒜頭等調味料很足料。在這裏用餐比起在將軍澳區內的商場餐廳用餐，感覺寧靜不擠擁。吃完在餐廳後的小徑散下步，感覺去了外國一樣。

之前帶貓貓係坑口村打針，經過呢間意大利的餐廳 - La Piazza，於是今晚就約咗飯腳黎食下。#蒜蓉包睇緊餐牌時店員就送上蒜蓉包, 因太肚餓, 食左一塊先影相, 熱辣香脆而且蒜蓉味夠, 好食啊! #餐湯另外點了意大利湯, 蔬菜食材豐富, 湯加了點葫椒粉, 飲落酸酸微辣的很開胃。#前菜 – #芒果炸軟殼蟹沙律我們都選了沙律,上菜時見到成隻軟殼蟹已經很吸睛, 非常香口，而且芒果蔬菜新鮮, 啖啖滋味。#頂級肉眼扒餐(12OZ)肉眼要了7成熟, 牛很大塊牛味重, 切開肉質鬆軟多汁很Juicy, 配上蔬菜, 薯蓉口感滑很CREAMY, #燒西班牙紅毛豬骨上菜時已聞到香氣, 另上燒汁一併食更好味，配菜有矮瓜，西蘭花🥦同青椒，非常豐富健康。 甜品有法式焦糖燉蛋&意大利芝士餅Tiramisu#焦糖燉蛋 表面有層脆脆焦糖, 燉蛋滑滑的，不會很甜, 啱我口味.#芝士餅忌廉多而且夠芝士味👍 服務員態度很好，環境寧靜而且坐得很舒服😌，很贊啊！

高手在民間, 食正宗嘅意大利菜唔一定要喺五星級酒店嘅😁 小編發掘到將軍澳有一間意大利餐廳, 係五星酒店主廚開嘅， 一入到餐廳成個環境同音樂都好chill 好relax。 食物方面 從選了開始已經非常挑剔， 唔新鮮唔靚都唔會畀客食， 真係值得一讚✨👍🏻蘑菇蟹肉忌廉湯: 通常西湯第一啖好飲嘅話， 飲到最尾都會偏鹹， 呢個湯完全冇呢個問題， 從頭到尾同一味道💖， 暗暗地突顯大廚功底👨‍🍳。燒薄西冷牛扒配蒜片香草汁🐃: 西冷牛扒薄片呢一種食法唔係周圍都有， 呢一種意大利嘅正宗食法令牛扒嘅肉汁更juicy💦， 利用蒜片香草汁調味更牛扒更鮮嫩。新鮮紐西蘭蜆: 食海鮮要好味一定要食材新鮮🍴， 呢一款紐西蘭蜆非常fresh， 簡單調味已經非常鮮甜🤩， 淨返嘅汁可以點埋蒜蓉包一齊食😋蕃茄水牛芝士香草pizza🍕: 即時手搓pizza皮果然唔同啲， 同行為食之友大讚， mozzarella芝士好有質感好好味， 批皮脆卜卜👍🏻~~~~~~~~😋味道: 9/10📸賣相: 9/10🛋️環境：8/10💁‍♂️服務: 8/10💎性價比: 8/10💲人均：$500⏪回頭率：80%~~~~~📍La Piazza將軍澳坑口村

Italian Cuisine🍽 located in Hang Hau Village💫..將軍澳其實有一條村，名叫坑口村✨，當中有些經歷、有些回憶，總讓我思念。經歷過的才是人生💫，一點一滴構成自己的回憶。.這次來到這個坑口村，晚上熱鬧非常。餐廳不少：小炒、火鍋、打冷吃......不過今次就想來一個西餐。.悄悄告訴你。。這裡隱藏著一家由前酒店大廚👨🏻‍🍳 主理既西餐廳。小小的店，卻滿有氣氛又浪漫🕯。亦設有露天位置，可跟朋友一同吃飯聊天、抽抽煙，這種天氣感覺都幾chill。.先來的蒜蓉包 好香脆。.✨Set Dinner✨l[(Main) 扒美國頂級肉眼扒 (12oz)]l $448Grilled USDA Prime Rubeye Steak配上蒜蓉黑椒汁好惹味，7成熟牛扒🐮 煎成坑紋網面，粉嫩又有肉香滑。配菜薯蓉都唔簡單，綿滑吃出真薯味。.l[(Starter) 芒果炸軟殼蟹沙律]lMango & Deep Fried Soft Shell Crab Salad🦀 原隻炸成型，香口小食；芒果🥭 香甜、西生菜蕃茄🥗、彩椒，吃出新鮮味道，正菜。.l[(Appetizer) 新鮮紐西蘭白

是日晚上朋友帶我去坑口村覓食，黎到呢間「La Piazza」西餐廳，2004年開業至今，雖然位置比較偏遠，但仍然吸引唔少顧客來惠顧蒜蓉包點餐後侍應先會送上蒜蓉法包，兩位用合共有四塊。每片都塗抹上滿滿的蒜蓉牛油，烤焗至金黃色，香脆可口得來帶點鬆軟北海道帶子南瓜忌廉湯南瓜湯呈天然鮮橙色，濃稠度適中，入口帶有南瓜鮮甜味，同忌廉拌勻後口感更加幼滑👍🏻另配上鮮嫩北海道帶子美國頂級肉眼扒(12安士)主菜可以選配薯蓉或薯角，薯角大大件，滋味又邪惡！頂級肉眼扒份量十足，肥瘦適中，肉質香軟，牛肉味濃郁伴碟仲有好多七彩繽紛嘅蔬菜香煎澳洲鱸魚配檸檬牛油汁鱸魚頗厚身，魚皮煎到好香脆，魚肉鮮嫩多汁，味道鮮甜，配上檸檬牛油汁有助提鮮～旁邊嘅薯蓉亦出色，口感幼滑，牛油同薯肉味都好香濃呢法式焦糖燉蛋表面焦糖層脆脆的，底下係嫩滑的燉蛋，甜度適中，充滿蛋香

在坑口的坑口村，有著一系列的小店，當中La Piazza就是其中一家寧靜的氛圍，最適合二人細意詳談食物點了他們的晚餐各一蒜蓉包非常熱辣夠味的蒜蓉味，上面帶少量香蒽，絲毫烤焦都沒有，非常不錯的開胃菜前菜：芒果炸軟殼蟹沙律非常清甜的沙律生菜配一隻帶黃色膏的軟殼蟹，微酸的沙律醬，感覺非常清新北海道帶子南瓜忌廉湯南瓜湯口感相當creamy厚身，熟帶子非常鮮甜，甜中帶鮮很好吃！美國頂級肉眼扒12盎司非常巨大的肉眼牛排，肉眼帶不少脂肪但沒有太多筋，口感很是鬆軟，而且有夠大份！配店家的黑椒汁會更惹味，或者點英式芥末，夠哽也可以提升味道，也很低卡配菜有爽脆的炸茄子，幾棵稔軟的西蘭花，超爽脆的薯角以及四季豆，炒蘑菇，非常豐富也均衡！兩個人吃完幾乎已經飽了燒西班牙紅毛豬骨11安士豬肋骨吃得多，肉質那麼juicy（約七分熟），肉的比例那麼高的肋肉比較少見。豬肋肉香而帶適量脂肪，筋膜不會太韌，口感非常稔軟多汁，不用上燒烤醬都已經很正點！配菜同上，除了薯蓉外。這個薯蓉奶香跟牛油香很重，超惹味！甜品法式焦糖燉蛋蛋很實心彈牙，焦糖面夠脆，不賴Tiramisu 忌廉特別多的提拉米蘇，冧酒味適中，有夠鬆軟！

呢晚喺將軍澳某間隱世小店食西餐，竟然有驚喜。樣樣都有水準，簡直可遇不可求😋。.Set dinner $388🥭芒果軟殼蟹沙律擺盤精緻，芒果香甜完全無渣。軟殼蟹原隻炸好，香脆唔油膩，配搭沙律菜同芒果令人驚喜😋。.🍗法國油鴨髀露芛意大利飯意大利飯creamy但唔膩，偏向香港人鐘意嘅口感。夾雜油封鴨肉絲又幾特別，偏瘦但令意大利飯沾上肉香。只用上蘆筍尾部，口感當然夠嫩。.🥚法式焦糖燉蛋Custard又軟又滑，配上香脆的焦糖糖衣簡直係prefect。.🥩燒澳洲羊架 $278澳洲羊架好juicy，羊架脂肪比例均勻，羶味適中。薯蓉creamy，茄子炸得皮脆而且有好香paprika香味，用料新鮮可口。.🍄蒜蓉炒雜菌 $78各款新鮮菌類以牛油、蒜頭、香草快炒，好香又唔膩，而且炒得夠乾身。.🍦Homemade macadamia icecream (2 scoops) $72口感香滑，奶味香濃，加上粒粒夏威夷果仁溫和嘅堅果香氣，令人食到停唔到口。.🍽La Piazza (將軍澳)將軍澳坑口村24號地下

La Piazza 位於將軍澳坑口村，主打意大利菜！餐包係香草牛油蒜蓉法包，香脆美味！芒果炸軟殼蟹沙律 （跟餐）好大隻軟殼蟹呀！香脆可口，配上清甜嘅芒果肉，好開胃呀！美國頂級肉眼扒（ 12安士） $448超級大塊牛扒！有好靚嘅燒烤紋，賣相吸引！我哋選擇咗五成熟，內裡保持粉嫩多汁！肉味香濃，肉質軟淋，正！鵝肝 跟餐加$98鵝肝表面煎至香脆，帶微微焦香，內裡幼滑，好滋味！香煎澳洲鱸魚配檸檬牛油汁（6oz) $278鱸魚魚皮煎至金黃香脆，魚肉鮮嫩多汁，推介！意大利芝士餅 （跟餐）軟滑的忌廉芝士加上浸過咖啡酒嘅手指餅, 結合咖啡、酒和芝士香, 好美味！凍檸茶 （跟餐）黑牛

餐廳：La Piazza (將軍澳)地址：將軍澳坑口村24號地下好耐冇見一個朋友，難得相聚，梗係要去食餐好嘅🤪。今次我哋去咗將軍澳坑口村一間隱世意大利餐廳🇮🇹，雖然真係偏遠咗啲，但係真係值得嚟食呢一餐🤩餐廳唔算大，一眼睇晒，不過牆上嘅壁畫同背景音樂就點綴咗餐廳嘅氣氛同格調🎶，加上大部分店員都係非本地人，但係就講到清晰嘅廣東話，真係好有異國風情，同時充斥住香港本地嘅味道🇭🇰-包類-蒜蓉包 $33一份有四件，做到外層香脆，內層充滿陣陣蒜香同軟熟🧄，蒜蓉味唔會太濃，唔使擔心食完好口臭😂-頭盤1-蕃茄水牛芝士沙律配新鮮紫蘇 $158新鮮蕃茄同水牛芝士各有五塊，水牛芝士屬於鮮芝士🧀，食落軟滑而且口感溫和偏淡，啱晒唔鍾意強烈芝士味道嘅人😋；加上紫蘇嘅芳香，令呢個頭盤更清新開胃-頭盤2-意大利帶子牛肝菌雲吞 $188一碟有六隻意式雲吞🥟，大件而且皮薄，切開鮮味多汁，連同裏面嘅帶子粒同牛肝菌一齊湧流出嚟，加上面頭creamy嘅忌廉汁、橄欖油等，雲吞又點會唔鮮香juicy呢😍-配菜-蒜蓉忌廉菠菜 $68忌廉汁唔會太濃郁或者好稠杰，偏稀嘅忌廉汁加上蒜蓉，令菠菜入味得黎香甜可口，亦唔會有好heavy嘅感覺👍

同閨蜜差唔多成年冇見，因為佢就快生日，所以夜晚同佢慶祝，去食由五星級酒店師傅主理既意大利菜。餐廳燈光柔和，好啱同朋友坐底一齊食野傾計。我地點咗意大利菜湯（$65）、燒西班牙黑毛豬扒（$398）、大蝦龍蝦汁意粉（$288）、杏仁芭菲（$80）同埋心太軟（$80）。點完餐之後好快就有蒜蓉包，蒜蓉包軟熟得嚟又香噴噴，唔錯！意大利菜湯配料豐富，有豆、洋蔥、番茄、紅蘿蔔等，飲落酸酸甜甜好開胃。我地食咗大蝦龍蝦汁意粉先，意粉上面有一塊mascarpone cheese，裏面仲有蟹肉，將佢同碟意粉混合埋一齊，令龍蝦汁更香更creamy，而意粉有3隻大蝦，隻隻都新鮮爽口，正！燒西班牙黑毛豬扒可以揀配薯角或者薯蓉，我地唔想咁熱氣所以揀咗薯蓉。薯蓉幼滑，奶香較濃，仲有薯仔粒，啱我口味~至於黑毛豬就煮至7至8成熟，唔會嚡口得嚟又可以鎖住肉汁，食落好juicy 😋食完主菜好快就有甜品，亦都係我地最期待既時間🍰無論係心太軟定杏仁芭菲，賣相都好精緻~值得一提既係兩道甜品用嚟伴碟既藍莓同士多啤梨都好甜，完全感受到廚師對食材既要求！心太軟會配兩球呍呢拿雪糕，一上枱已經有濃郁朱古力味，切開之後唔止流心，而且仲冒煙，明顯