Video
Read full review
2023-03-11
182 views
呦呦鹿鳴布丁燒 Deerlicious Pudding📍尖沙咀彌敦道132號美麗華廣場1期地下Kiosk LG-B2唔知大家有無食過布丁燒呢？見就見得多，食我真係第一次！聽聞呢間布丁燒大有來頭，話去葵廣掃街必食，所以去Mira Place幾次都想食，無奈之前疫情嚴重，喺街食唔係咁方便，所以一路都無試到。但最近放寬咗，我哋今次行過就決定要叫兩個立食，店員好細心咁幫我哋即場倒出嚟食，夠晒凍夠晒新鮮！呢間店嘅老闆係一對夫婦，佢哋專程去台灣學師，將布丁燒帶嚟香港，仲開咗4間分店！每個布丁燒都係由焦糖布丁加日式芝士蛋糕合製而成，每一啖都食到兩種甜品，口感一軟一滑，出奇哋夾！加上每一個布丁燒都印有可愛嘅圖畫同貼地字句，令人未食先興奮！除咗一個個散賣，我見佢哋仲有推散水餅，鬼馬嘅字句如「走先啦係咁先啦」同「Goodbye to me」夠晒吸晴，而且價錢唔貴，如果有邊日要派散水餅都可以考慮下支持小店！ 💰$38忘憂唂布丁燒 🍫🍮呢款濃醇朱古力布丁燒係用咗堪比Hermes嘅高級朱古力去整，70%cocoa嘅濃度啱晒愛食朱古力我！ 💰$38椰爺布丁燒 🥥🍮呢款招牌布丁燒用咗新鮮泰國椰青去整，食落除咗有蛋香
📍尖沙咀彌敦道132號美麗華廣場1期地下Kiosk LG-B2
唔知大家有無食過布丁燒呢？見就見得多，食我真係第一次！聽聞呢間布丁燒大有來頭，話去葵廣掃街必食，所以去Mira Place幾次都想食，無奈之前疫情嚴重，喺街食唔係咁方便，所以一路都無試到。但最近放寬咗，我哋今次行過就決定要叫兩個立食，店員好細心咁幫我哋即場倒出嚟食，夠晒凍夠晒新鮮！
呢間店嘅老闆係一對夫婦，佢哋專程去台灣學師，將布丁燒帶嚟香港，仲開咗4間分店！每個布丁燒都係由焦糖布丁加日式芝士蛋糕合製而成，每一啖都食到兩種甜品，口感一軟一滑，出奇哋夾！加上每一個布丁燒都印有可愛嘅圖畫同貼地字句，令人未食先興奮！
除咗一個個散賣，我見佢哋仲有推散水餅，鬼馬嘅字句如「走先啦係咁先啦」同「Goodbye to me」夠晒吸晴，而且價錢唔貴，如果有邊日要派散水餅都可以考慮下支持小店！
[價錢 Price]
💰$38
忘憂唂布丁燒 🍫🍮
呢款濃醇朱古力布丁燒係用咗堪比Hermes嘅高級朱古力去整，70%cocoa嘅濃度啱晒愛食朱古力我！
[價錢 Price]
💰$38
椰爺布丁燒 🥥🍮
呢款招牌布丁燒用咗新鮮泰國椰青去整，食落除咗有蛋香味，仲有清新嘅椰子味同椰肉粒粒，三重享受，我位愛試特別口味嘅朋友大推！
Post
