裕興咖啡 (Closed)

裕興真係會令人上癮，過一排，會突然有個心魔叫你去食，不管天氣係點。呢個心魔，令我喺成三十四度之下，都要去食止一止癮。天氣熱去食，有個好處，就係唔駛等咁耐，今日十五至二十分鐘，如果秋天，要等四十五分鐘，次次都食唔到。例牌叫全餐公仔麵同凍奶茶，奶茶真係好好飲，茶奶份量剛剛好，又無劫味，我必飲。咁熱天氣食公仔麵，食到大汗疊細汗，不過值得，雖然好平凡，但真係有在家嘅感覺。所以時不時就會掛念呢個味道。如果大家都想lunch time去試，夏天機會大d, 不過夏天佢1:30pm都售罄所有食品，所以要一放飯就沖去