Video
Read full review
2022-09-11
458 views
難得今日放假，一個人去香港故宮文化博物館參觀。一早就疊埋心水今日係度蒲成日，為咗避開食晏嘅人潮，特登等到三點鐘至食午飯。故宮附近只有三間餐廳，兩間係西式，一間係中餐，係台灣菜。雖然已經係下晝三點，但係個餐廳都爆滿。本來天氣熱，諗住要坐入餐廳嘆冷氣，但係實在係唔想再等位，於是決定坐喺餐廳出邊嘅露天位置。好在餐廳都擺咗幾個大風扇/冷風機，加埋大太陽傘，所以坐落都叫做還好，唔係話熱到唔能夠接受。因為熱，唔想食湯麵，所以就嗌咗個安格斯牛肉麻醬伴麵，加上好肚餓，所以仲眼闊肚窄咁叫咗一碟香滷千層豆腐，仲要一杯粒粒紅豆宇治抹茶奶茶。先上嘅係千層豆腐。嘩，隻碟好靚，豆腐亦好食！雖然話千層豆腐度度都食得到，但係佢配嘅醬汁就起到畫龍點睛的作用。千層豆腐上面擺滿新鮮切出嚟嘅蒜蓉，沾上酸酸辣辣的醬料，令人食得非常開胃。嗰碟麻醬拌麵真係好大碟，一睇就知道係冇乜可能食得晒。麻醬麵中間擺咗個半生熟蛋，麻醬俾得好足夠，用嘅安格斯牛肉其實係火鍋用的牛肉片，切得非常之薄，加埋的切咗絲嘅青瓜，同拌麵一齊食，不愧係夏天食涼麵的首選。呢碟面雖然收成舊水，不過其實佢足夠俾兩個人食，所以其實唔係算收得貴。平時我唔係好飲奶茶，因為怕
故宮附近只有三間餐廳，兩間係西式，一間係中餐，係台灣菜。雖然已經係下晝三點，但係個餐廳都爆滿。本來天氣熱，諗住要坐入餐廳嘆冷氣，但係實在係唔想再等位，於是決定坐喺餐廳出邊嘅露天位置。好在餐廳都擺咗幾個大風扇/冷風機，加埋大太陽傘，所以坐落都叫做還好，唔係話熱到唔能夠接受。
因為熱，唔想食湯麵，所以就嗌咗個安格斯牛肉麻醬伴麵，加上好肚餓，所以仲眼闊肚窄咁叫咗一碟香滷千層豆腐，仲要一杯粒粒紅豆宇治抹茶奶茶。
先上嘅係千層豆腐。嘩，隻碟好靚，豆腐亦好食！雖然話千層豆腐度度都食得到，但係佢配嘅醬汁就起到畫龍點睛的作用。千層豆腐上面擺滿新鮮切出嚟嘅蒜蓉，沾上酸酸辣辣的醬料，令人食得非常開胃。
香滷千層豆腐
$58
28 views
0 likes
0 comments
嗰碟麻醬拌麵真係好大碟，一睇就知道係冇乜可能食得晒。麻醬麵中間擺咗個半生熟蛋，麻醬俾得好足夠，用嘅安格斯牛肉其實係火鍋用的牛肉片，切得非常之薄，加埋的切咗絲嘅青瓜，同拌麵一齊食，不愧係夏天食涼麵的首選。呢碟面雖然收成舊水，不過其實佢足夠俾兩個人食，所以其實唔係算收得貴。
香格斯牛肉麻醬拌麵
$98
40 views
0 likes
0 comments
平時我唔係好飲奶茶，因為怕甜。好在呢杯抹茶奶茶唯一甜嘅其實係啲紅豆，可能因為溝咗奶沖淡咗啲甜味，所以我反而覺得甜度適中，啱我口味。
粒粒紅豆宇治抹茶奶茶
$42
31 views
0 likes
0 comments
本來對呢間餐廳冇乜期望，但係食咗之後又覺得真係幾好。後來同啲朋友傾，至知道佢喺香港只有兩間分店，一間係故宮，另外一間喺太平山頂。已經好耐冇去山頂喇，下次去坐新山頂纜車嘅時候，會順便試一試呢間餐廳其他的食物，希望佢可以繼續俾我帶嚟驚喜。
Post
