麥當勞 (Closed)

話說今日同同事出去開會，一開就開左2個幾鐘，開完個會，天氣又熱，行過麥當勞見到有麥當勞甜品站，緊係要食個雪糕降下溫兼慰勞一下自己😂🤣，見到有榴槤雪糕既相，對於榴槤控既我當然諗都唔使諗，心有所屬啦。。雖然大排長龍，但都要排既😜😜滿心歡喜到我買，一叫榴槤麥旋風。。個職員話呢度無😭😭😭個心真係沉一沉。。但排左咁耐，唔會咁輕易就走既，即刻以9秒9既速度睇下食咩。。最後同同事一人一個芒果雪糕配朱古力&香蕉脆漿，食落味道都唔錯，我食香蕉脆漿，香蕉都幾重，可以一試，係無榴槤雪糕失望情況下都總算有點安慰。。。