韓嘢 (Closed)

玫瑰醬係韓國已經大熱左一段時間，今日有機會食到啦，同我想像中一樣咁好味。舖頭店面仲有其他韓國用品既野買，由日用品，電器，護膚品，零食乜都有，等緊食物既時候都可以逛逛。玫瑰醬炒年糕(M)$72+$7韓式炸餃子+$5魚蛋@5粒其實佢有2個size，今次試左大size，怕唔夠仲加左餃子同魚蛋，黎到之後見到佢份量都好多，除左年糕之外，仲有唔少配料，連魚糕都有2款，另外仲有蝦仁所以2個人食叫一份都好夠食。將餃子浸落熱辣辣既玫瑰醬到一齊食，甜甜辣辣既醬原來同忌廉係咁夾，估唔到韓國人會發明到呢款玫瑰醬，係好特別但又係之前未試過既味。