拉麵天王 (Closed)

今日大王出巡…黎到呢間新開既拉麵店視察民情…<拉麵天王>呢個名字亦正好襯托著我身邊呢位<餵食大王>既稱號…依家新興既拉麵店...一般裝修都係以簡約為主...得bar枱十個位左右…仲有少少日本地道公仔裝飾...至於食物款式...基本上係無得選...規定左係义燒溏心旦...可以自己話事既...只有選湯底同拉麵軟硬度...餵食既咪再加餸lor...而呢度只得4款湯底選擇...原味豬骨（白天王）、辛辣（赤天王）、黑蒜油（黑天王）、廚師推介（限定天王）...等食期間…可以試下枱面附設既前菜…係芽菜黎…咪睇佢唔係好紅…原來都幾辣下…餵食大王當然係要選最專貴既限定版啦...而我就選左特別既黑蒜...是日限定是為胡椒天王...係黑胡椒湯底加芝士...胡椒味不濃...唔會有嗆喉既感覺...芝士碎都幾多...溶左黏埋一條條…煙韌有口感...至於黑天王...湯底濃郁...但黑蒜味不太突出...每碗都會有义燒2塊溏心旦半隻...义燒頗肥美嫩滑...溏心旦仲有d流心添...有得餵食大王既封號…理所當然地去左加餸啦…餃子皮薄…脆得像食薯片…但肉汁一般…年糕一件計…芝士味較淡…但幾香