Video
Read full review
2018-04-19
198 views
人多嘅聚會最適合就係食中菜，相比放題我覺得中菜更加能夠促進大班朋友嘅友誼。今日就同新朋友夠朋友共八人一齊晚餐。朋友聚會揀中菜嘅原因最主要係因為圓枱坐得舒服，而且可以食一啲人比較少食唔到嘅嘢。等朋友嘅時間先嚟咗呢一度嘅王牌叉燒，雖然冇講到係用啲乜嘢西班牙黑毛豬，但係呢十分之香甜，肥瘦適中。每位都點左呢個冰鎮鮑魚，我欣賞佢份量夠大，而且肉質彈牙，富鮮味，絕不欺場。大頭蝦兩食絕對係必點之選，蝦頭用上椒鹽炸，下身呢就係用豉油王。上枱嘅時候已經嘩嘩聲！雖然個樣好似唔係好吸引，但仍免飄來的香味，真係現場先感覺到！解開個蝦頭，D 膏流出來咖！甘香無比！我連個殼都食埋！王牌推薦係呢個花雕蛋白蒸花蟹，係呢一間餐廳嘅其中一個招牌菜，好食嘅除咗係鮮甜嘅花蟹之外，仲係鮮味同酒香濃郁而且會滑過呀婆豆腐花嘅蛋白。蛋白嘅香味正，而滑度係難以言語。呢啲一定要至少六個人先好叫。開心share 嗎！黃沙豬膶配莧菜，係一啲比較傳統嘅菜式，豬膶做得好出色，上枱嘅時候個個話唔食，轉完個圈已經冇晒啲豬膶了！清清地為呢一個晚餐做個結尾。我成日都話相比食放題我更加鍾意同朋友一齊食中菜，大家有傾有講，為勤勞的一日放鬆一下！經理話午市仲
朋友聚會揀中菜嘅原因最主要係因為圓枱坐得舒服，而且可以食一啲人比較少食唔到嘅嘢。
等朋友嘅時間先嚟咗呢一度嘅王牌叉燒，雖然冇講到係用啲乜嘢西班牙黑毛豬，但係呢十分之香甜，肥瘦適中。
每位都點左呢個冰鎮鮑魚，我欣賞佢份量夠大，而且肉質彈牙，富鮮味，絕不欺場。
大頭蝦兩食絕對係必點之選，蝦頭用上椒鹽炸，下身呢就係用豉油王。上枱嘅時候已經嘩嘩聲！
雖然個樣好似唔係好吸引，但仍免飄來的香味，真係現場先感覺到！
解開個蝦頭，D 膏流出來咖！甘香無比！我連個殼都食埋！
王牌推薦係呢個花雕蛋白蒸花蟹，係呢一間餐廳嘅其中一個招牌菜，好食嘅除咗係鮮甜嘅花蟹之外，仲係鮮味同酒香濃郁而且會滑過呀婆豆腐花嘅蛋白。蛋白嘅香味正，而滑度係難以言語。呢啲一定要至少六個人先好叫。開心share 嗎！
黃沙豬膶配莧菜，係一啲比較傳統嘅菜式，豬膶做得好出色，上枱嘅時候個個話唔食，轉完個圈已經冇晒啲豬膶了！清清地為呢一個晚餐做個結尾。
我成日都話相比食放題我更加鍾意同朋友一齊食中菜，大家有傾有講，為勤勞的一日放鬆一下！
經理話午市仲抵食，下次有機會同上司一齊過嚟先！
Post
