Amour Garden Grill & Bar (Closed)

係一個風和日麗既晚上，我約左幾個大學同學試下係市區裏面bbq。起初我地都唔係好信係旺角會有室外bbq場。推過餐廳門口，行左一陣，出面就係一個樓上好既大open area。我係第一次係大廈既中空平台食野，感覺呢到好有格調，好有蘇豪區既風味。餐廳有傳統既燒烤爐，又有美式烤爐提供。由於我地淨係得幾個人，所以我地就用美式烤爐bbq。呢到提供幾豐富既食材，例如牛，雞，豬扒，鴨胸，雞翼，豬頸肉，各樣丸類，金菇，番薯等...可以任飲汽水。食材睇落去都唔錯，好足份量。我地一邊燒，一邊食，一邊係一個好relax既空間講番以前既野,真係好舒暢。好彩有燒烤達人負責燒俾我地食，所以燒出黎既食物都幾好味。最後埋單加埋一先兩百頭一個人，其實同普通既bbq既收費差唔多，但係勝在呢到有獨立既環境，可以同三五知己自成一國，享受係呢個生活急促都市入面既寧靜，確實係一個唔錯既選擇。