金鳳大餐廳 (晴朗商場)

Open Now

Now Closed

金鳳餐廳擁有悠久歷史，出名食懷舊港式牛排餐，係時代的一個標記。以前，每次爸爸出糧，都會帶我們幾兄弟姊妹來金鳳餐廳食排餐。回想起，金鳳餐廳真係俾好多回憶我。最近，聽說啟晴村開了一間金鳳餐廳，我當然要幫襯啦！放工就行過嚟，好彩今日唔需要排隊，好快找到座位。我點了半成熟牛柳餐，再加錢轉飲品，要了一杯金牛，因為真係好耐無飲過了，其他西餐廳都無呢個飲品。所謂金牛🌟🌟🌟，就係忌廉汽水加芒果雪糕。雪糕同汽水溝埋一齊，就會在面層產生濃濃的泡泡。我最喜歡就係用匙羹慢慢嘆泡泡。Yummy😋😋😋牛油餐包，點忌廉湯，又係一絕。咩童年回憶都返晒嚟。令我意想不到，💗💗牛柳竟然有兩大塊，配肥肥薯條。十分足料。而且咁厚嘅牛柳都能夠保持好嫩滑👍。😍😍😍食過呢餐，身心都好滿足。