茶木‧台式休閒餐廳 (Closed)

聽同事&朋友都多次推介，但又話排好耐隊，所以遲遲未試，終於有日約咗人未夠鐘，咪排隊試吓。行到加拿芬廣場分店，攞張飛慢慢等，因為有太多時間，都唔介意等多久。輪到我，侍應安排一個靠柱位置，其實都頗為死角，正常應該3或4面都被侍應們見到，但嗰日只有1面。雖然唔趕，不過嗰個揾個人都無嘅感覺（唔係冇侍應，去過都知，只係唔多；但客就好多，而且個場都算大），相信有讀者有同感。終於有個送完餐去隔離枱，即刻落單叫了“teawood紅燒牛肉麵 $60 &玫瑰花洋甘菊花茶 $37“又過咗一陣，麵來了，先食牛肉……第一件真心失望，可能聽到太多好評，正所謂“期望越大，失望越大“，牛肉唔夠“林“，牛根部份更有橡根感覺，做唔到台式牛肉麵的牛肉神髓。之後的牛肉，有啲夠“林“，有啲唔得。如果牛肉水準可以保持會更好！花茶跟台灣的咖啡店做法差不多，一壼茶有花（唔係茶包）再加小爐在茶壼底部保温，好！環境舒服，木為主的裝修及枱椅夠闊大，觀察到卡位的更大，就算枱上同時放3或4款食物share 都夠位。