嘆撈

Open Now

Now Closed

係屯門行完山，即刻想食返啲甜野補充體力。不過大商場裡面既甜品店價錢偏貴，所以係openrice揾到哩間嘆甜品，雖然位置離市中心偏遠，大概走十幾分鐘，但價錢比起大商場真係平廿幾至三十蚊，所以都值得既。小食拼盤份量都好多，雖然味道好普通冇咩特別，不過勝左即點即炸，所以都好熱好脆。哩到窩夫種類都幾多。不過見到有個限定推出既烘焙黑糖珍珠窩夫賣相都唔錯，所以就揀左。個窩夫份量都係好多，絕對可以當正餐食。碟上面用朱古力醬畫左啲圖案，都幾有心思幾得意架。哩個窩夫味道真係好好，軟硬適中，不過最正就係佢個烘焙醬，好香茶味，食落唔膩唔會好甜。哩款窩夫我覺得配綠茶雪糕係最夾，可能大家都係茶味掛。