Red Lobster (Fashion Walk) (Closed)

睇美劇而認識RED LOBSTER呢間餐廳，所以知道香港開分店就一直都好想黎試！呢一日搵埋一家人食龍蝦大餐啦！事前無訂座，平日晚上約6點半攞飛，都要等位到大概8點先入座。車打芝士鬆餅 免費小食，仲可以REFILL。上枱時微熱，鬆軟充滿芝士香！紅龍蝦招牌沙律$98卷心生菜爽脆，加上龍蝦肉，千島沙律醬汁，好清新！美式蒸活龍蝦1/LB $318原隻上菜，確認後（拍照時間）有專人負責拆龍蝦，服務很好👍 龍蝦味道的確新鮮，可以沾熱牛油或醬汁都好食。無敵海鮮大餐 $318有龍蝦尾、雪蟹腳、蒜蓉蝦和炸蝦，伴配菜烤南瓜和黑松露薯條！非常豐富！大蝦意粉配龍蝦醬 $98濃濃蝦味，不過多食幾啖就有點膩感了整體來說都唔錯，但不至於令人驚艷。服務員態度唔錯，但當日晚市可能人手不足，叫REFILL或有需要都等好耐，更要催促好幾次，扣分位。