Video
Read full review
2023-04-19
35 views
平時行開旺角想簡簡單單食啲嘢，但又唔想好頹，拉麵都係一個唔錯嘅選擇！今次呢間拉麵店已經bookmark咗好耐，佢嘅招牌成碗都係肉嘅拉麵一啲都唔陌生～門面有一大隻招財貓，鋪面裝修都好有日式感覺，四周嘅牆放咗面具、不倒翁、油紙傘插畫做裝飾，絕對唔會好難搵！小店唔算太大，位置唔係好多，繁忙時間嚟到嘅話有機會要等一等啦～------------------------------🐖◖特選拉麵◗ $135呢碗拉麵配菜有叉燒、炙叉燒、紫菜、蔥、味筍、味付雞蛋。除咗傳統叉燒有1.5倍之外，仲有一條超長嘅叉燒，表面經過火炙，有陣焦香味，成條叉燒啖啖肉，超滿足。湯底叫咗豚骨濃湯，味道超濃稠黏口！仲可加$12追加味配料香蒜油/蝦油/辛味醬/背脂，豐富湯底味道層次，今次就凈係試咗原味先～🍖◖肉愛食者拉麵◗ $120另一碗拉麵配菜有叉燒、角切叉燒、蔥、味筍、味付雞蛋。呢碗扣麵叉燒有3倍，叉燒圍滿碗邊好誇張，幾乎肉仲多過麵，肉類愛好者必點！叉燒煮得好軟腍，但略嫌唔夠肉味；角切叉燒將啲叉燒切到粒狀，好有口感，而且肥瘦均勻；拉麵底好滑好掛湯，會偏軟少少，如果有偏好嘅口感可以按照個人口味備註返~🐙◖炸章魚◗ $30外
------------------------------
🐖◖特選拉麵◗ $135
呢碗拉麵配菜有叉燒、炙叉燒、紫菜、蔥、味筍、味付雞蛋。除咗傳統叉燒有1.5倍之外，仲有一條超長嘅叉燒，表面經過火炙，有陣焦香味，成條叉燒啖啖肉，超滿足。湯底叫咗豚骨濃湯，味道超濃稠黏口！仲可加$12追加味配料香蒜油/蝦油/辛味醬/背脂，豐富湯底味道層次，今次就凈係試咗原味先～
🍖◖肉愛食者拉麵◗ $120
另一碗拉麵配菜有叉燒、角切叉燒、蔥、味筍、味付雞蛋。呢碗扣麵叉燒有3倍，叉燒圍滿碗邊好誇張，幾乎肉仲多過麵，肉類愛好者必點！叉燒煮得好軟腍，但略嫌唔夠肉味；角切叉燒將啲叉燒切到粒狀，好有口感，而且肥瘦均勻；拉麵底好滑好掛湯，會偏軟少少，如果有偏好嘅口感可以按照個人口味備註返~
🐙◖炸章魚◗ $30
外皮炸得好脆，章魚肉唔會好細塊，炸得啱啱好，口感好彈牙，可以用檸檬汁減少炸物油膩感~
Encore指數：8/10
Post
