金滿膳燒味餐室 (Closed)

咁啱喺牛頭角經過呢間燒味餐廳，外面已經見到佢哋大大個餐牌，好似又幾抵食，玻璃窗入面燒味都好靚仔好吸引，同朋友又肚餓啦就俾佢吸引咗啦。天氣咁熱即刻叫返枝雪碧同忌廉爽一爽先。見到佢哋啲燒味咁搶眼，我哋就決定叫燒味四寶飯 同招牌脆皮燒腩仔飯。燒味四寶飯入面有叉燒、紅腸、鹹蛋同埋白切雞。食落啲白切雞鹹鹹地，肉質又滑嫩，連埋雞皮聲真係好滿足啊。跟住叉燒都係好出色，燒到非常之均勻，食落仲會有啲柚子味，好鍾意呢種味道。招牌脆皮燒腩仔飯不愧係招牌，一碟入面有勁多舊，啱晒我呢啲食肉獸，唔使郁我真係冇力做嘢。仲要係超級脆皮，肉質好淋，外脆內軟真係無得彈！