泰COOL (彌敦道) (Closed)

第一次同朋友上黎食飯，其實一入到黎真心感覺麻麻，因為果地下超級痴立立咁。不過都一場黎到，坐低食埋先啦。蒜蓉炒通菜呢個好大碟，好似成個通菜山咁。味道正常，唔會話死鹹。蟹肉炒粉絲呢個呢真係望落其貌不揚，但係係最好味！個粉絲嘅質感好似食緊魚翅咁，不過蟹肉就略嫌少咗啲。海鮮椰青飯送椰青水呢個係佢哋嘅招牌菜，佢送杯椰青水令我覺得佢嘅椰青係唔會重用。不過果飯有少少太甜，同埋太多飯，所以最後都食唔哂。結括嚟講，呢度食物質素唔差，價錢都唔貴，係真係要搞搞果地下痴立立啫