三星台菜食堂 (新城市廣場一期) (Closed)

已經唔止第一次去呢間食飯了，印象中都好似三次啦，其實一向我係好鍾意食台式野，但係平時只能夠去我樓下嗰間大型連鎖式，唔係唔好食嘅，不過份量太細，但係呢一間我覺得份量同價錢都好合理，味道又好味，最推介就係佢嘅小食系列，鹽酥雞，餃子就一般啦，入邊比較淡一啲，可能適合啲比較淡口味人士，另外佢嘅麻辣三寶拉麵簡直一流，湯底唔係十分之辣但係佢嘅牛腩非常之林，入口即溶，總括來講三個人食，叫咗四樣嘢，可以食得好飽，個人覺得非常之合理，仲有要推介佢嘅韭菜煎餅，好好味