Video
Read full review
2009-06-04
38 views
因為屬樓上舖,所以酒樓的位置都幾難搵; 如果唔係見到個大招牌我都唔知原來要走入大廈再上行上一樓先到. 入到去坐低,完全感覺到係一個好有傳統懷舊feel的地方...考慮要餐定散叫,但因為有人話填鴨麻麻,加上個餐都唔平,最後決定自己話事...三色拼盤 - 揀了素鵝,薰魚&海蜇. 侍應話一定要order大份喎... 薰魚算滑,入味之餘汁又唔會過甜; 海蜇OK; 最正係素鵝,大大舊又多料,好好食.山東燒雞 - 應該係手撕山東燒雞. 唔錯,唔洗沾豉油都好夠味,不過勁油...宮保明蝦 - 是日最差的菜式. 蝦好大隻,可惜佢唔知用乜炸粉,又厚又唔脆. 那層炸皮,我以為食緊塊餅囉...松鼠黃桂魚 - 個人對這碟並不熱衷; 好多甜酸汁,條魚本身都唔差.賽螃蟹 - 本來對佢無乜期望,但食落又唔錯喎... 可以見到"一舊舊"蛋白,入口滑之餘仲好有質感; 唔似其他地方"散"到似糊仔; 仲有些少蟹肉添!蔥爆羊肉&义子燒餅 - 注意係分開兩碟叫,所以义子燒餅拼乜可以自己話事. 羊肉味道OK,可惜實在太少,成碟大部份都係蔥. 燒餅好大個,一客四個,即八件.甜品高力豆沙免費奉送 - 張張檯都有,當然係預先整定; 所以
考慮要餐定散叫,但因為有人話填鴨麻麻,加上個餐都唔平,最後決定自己話事...
三色拼盤 - 揀了素鵝,薰魚&海蜇. 侍應話一定要order大份喎... 薰魚算滑,入味之餘汁又唔會過甜; 海蜇OK; 最正係素鵝,大大舊又多料,好好食.
山東燒雞 - 應該係手撕山東燒雞. 唔錯,唔洗沾豉油都好夠味,不過勁油...
宮保明蝦 - 是日最差的菜式. 蝦好大隻,可惜佢唔知用乜炸粉,又厚又唔脆. 那層炸皮,我以為食緊塊餅囉...
松鼠黃桂魚 - 個人對這碟並不熱衷; 好多甜酸汁,條魚本身都唔差.
賽螃蟹 - 本來對佢無乜期望,但食落又唔錯喎... 可以見到"一舊舊"蛋白,入口滑之餘仲好有質感; 唔似其他地方"散"到似糊仔; 仲有些少蟹肉添!
蔥爆羊肉&义子燒餅 - 注意係分開兩碟叫,所以义子燒餅拼乜可以自己話事. 羊肉味道OK,可惜實在太少,成碟大部份都係蔥. 燒餅好大個,一客四個,即八件.
甜品高力豆沙免費奉送 - 張張檯都有,當然係預先整定; 所以上檯時只係微暖兼質地已開始變硬... 如果新鮮整應該會幾好食.
雖然有一兩碟餸失手,但大部份都好有水準,可以話有驚喜的一餐. 除了食物和環境,令我印象深刻仲有每碟餸的份量,全部屬"大碟頭",一定夠飽.
Post
