金滬庭京川滬菜館 (Closed)

東薈城食肆唔多，但就有一間高質素既上海菜。午市套餐，揀一餸，配飯或擔擔面，送豆漿或例湯。揀左糖醋魚柳同埋回窩肉。所有野都大大份，覺得糖醋魚柳好食d, 夠甜又夠酸，而且炸得好香口。回窩肉就無乜特別。擔擔麵同例湯都好大碗，5個人都夠分。花雕醉雞。冷盤夠凍，而且酒味夠濃夠入味。可惜雞肉鞋左少少，如果唔係就完美。炸銀絲卷。新鮮炸起，外脆內軟，唔錯生煎包。等左都幾耐，因為即叫即煎。警告大家小心食，因為一咬湯汁會爆出黎。入面肉饀大舊，足料。小籠包。呢個小籠包絕對唔小，係香港食過最大既，起碼係平時既2倍。Size大唔係因為皮厚，而係多湯汁! 小心夾起無夾穿，湯汁多到好似灌湯餃甘，一流!值得推介