細妹姐餃子拉麵店

Open Now

Now Closed

葵涌廣場出名多野食，今晚整完甲就唸住食埋野先返屋企，行過見到呢間係後巷既細妹姐餃子，就試下。由於我好餓，所以點左一碗豬肉餃子雙併配滷豬耳大碗面（63蚊），+7 可以加配冷熱飲。不得不說，一上桌，有少少驚訝，好大碗，因為一共有6大粒好似乒乓波咁大粒既餃子，併有少量肉燥。單單呢6粒餃子已經夠震撼我眼球。雙併餃子分別係九菜豬肉同椰菜豬肉餃，皮係薄既，入面既料係多既，肉同菜既比例平均，但味道一般，可能豬肉唔夠入味，好清淡，淡到我需要點一點辣椒油先得，米線分量係好多，面質可以中規中矩，湯底無咩特別，豬耳切得比較粗身，無麥滷水味，口感粗糙，總結，如果要求食得飽，佢係可以滿足到你，但味道黎講就略為遜色左少少。