細妹姐餃子拉麵店

Open Now

Now Closed

每次嚟到葵涌廣場除咗食小食之外都會去呢間有得坐座位都接近50人以上，大大粒嘅餃子！我幾乎每次都係食韭菜餃子！韭菜非常之多飽滿，豬肉半瘦適中，淡淡韭菜入邊都有湯汁，最主要配埋秘製獨家辣椒醬油，加埋醋一同食，我自己可以食20隻！如果唔食韭菜餃子，我會另外選擇麻辣豬軟骨台灣麵，台灣面好有口感，60幾蚊大大碗食到飽，出邊食嘅台灣麵冇呢間咁好食！佢連嘅湯底都非常好飲，麻辣惹味令豬軟骨更加香，豬軟骨亦都煲到好林，比出邊一般嘅食肆叫轉骨嘅份量都比較多！

葵廣除咗掃街 都好多粉麵店有幾間都已經屹立不倒咗好多年喺葵廣2樓嗰層 小食店入面篤篤位大部份粉麵飯都係$50 韭菜豬肉餃拉麵 ($50)餃子加麵嘅套餐會有六隻餃子每一隻都勁大粒 當然個皮都好厚入面餡都算多嘅 幾香韭菜味不過就冇咩豬肉😂 另外有d肉碎麵我叫咗拉麵 不過嚟到比想像中幼有啲似平時雲吞麵嗰啲幼麵個麵底個大 食極都食唔完咁成個餐真係食唔晒😂另外凍熱飲品加$7叫咗杯凍鴛鴦少甜 都幾大杯甜到啱啱好 唔錯😎

我唔係住葵涌附近，去得葵廣梗係掃街啦，邊有人好似我咁傻仔食一大碗麵。偏偏我今次就係咁傻仔😆，試咗細妹姐餃子拉麵店，超級大碗😲，一個米八嘅男人都飽到飛起呀😨！其實睇佢舖頭名就知道佢主打餃子同埋拉麵，除咗餃子都仲有其他餸嘅，而我就試咗豬軟骨！餃子本身每粒都好大粒，一粒都接近兩粒灣仔碼頭😳，但係一碗麵竟然有六粒，豬軟骨都有五至六嚿。餸嘅份量大家都應該覺得好驚嚇🤯！麵都絕對唔少，我相信有兩個拳頭咁多嘅拉麵🤠。價錢又唔係話好平，但係性價比就非常之高啦。睇返佢份量多到咁，都好難買到三四十蚊碗，六十幾蚊都合理嘅！🤓我覺得有時如果你遊完水行完山，消耗咗好多卡路里之後，真係可以食返咁大碗麵醫吓肚！😎

葵廣出名多嘢食，就求其搵咗間食餃子嘅舖頭，點知餃子都幾有驚喜雙拼韭菜x椰菜豬肉餃子 $50/12粒一上枱大大粒就俾佢嚇親咗，成粒乒乓波咁大粒，食落皮薄仲要入邊好多餡，肉同菜嘅比例平均，好豐滿👍🏻味道唔會太濃味，點少少辣油更惹味辛辣骨湯豬軟骨拉麵 $50呢個就較普通，湯地唔係好辣，不過唔會好油，豬軟骨滷得好入味，拉麵就普普通通，但真係好大碗，一個女仔就食唔晒如果想食得飽要求唔高嘅話呢間可以滿足到你👍🏻

🕒今次光顧的時間是平日下午大約兩點九，人流不多，大部分的客人都被安頓好 食緊自己野。📋可是，我禮貌地告訴點單的姐姐我需要的食物，簡單問一問食物的份量，她便趕著轉話題，到我點我需要的飲品，她同樣很趕，以為理解到我需要的是什麼，點知回答我的時候連續兩個細節都理解錯（熱 紅茶，凍 檸茶）☕️🌟當時明顯不忙碌，我見她離枱之後腳步不急，之後到食物飲品都上後，整間店節奏都不快。今次的評論不是要告訴大家不光顧，而是要貴餐廳知道員工要有合理的服務質素，在不忙的時間要懂得調整節奏和心情，不讓自己覺得馬虎對待客人，收工賺人工就算，對自己有要求才對得起自己和別人，冀望該員工能有適切的改進，支持您👩🏻‍🦱😇

葵涌廣場出名多野食，今晚整完甲就唸住食埋野先返屋企，行過見到呢間係後巷既細妹姐餃子，就試下。由於我好餓，所以點左一碗豬肉餃子雙併配滷豬耳大碗面（63蚊），+7 可以加配冷熱飲。不得不說，一上桌，有少少驚訝，好大碗，因為一共有6大粒好似乒乓波咁大粒既餃子，併有少量肉燥。單單呢6粒餃子已經夠震撼我眼球。雙併餃子分別係九菜豬肉同椰菜豬肉餃，皮係薄既，入面既料係多既，肉同菜既比例平均，但味道一般，可能豬肉唔夠入味，好清淡，淡到我需要點一點辣椒油先得，米線分量係好多，面質可以中規中矩，湯底無咩特別，豬耳切得比較粗身，無麥滷水味，口感粗糙，總結，如果要求食得飽，佢係可以滿足到你，但味道黎講就略為遜色左少少。

葵涌廣場依一間餃子店，皮薄餡料充足，一碗骨湯雙併豬肉餃子台灣麵，六大粒餃子，粒粒好似生煎包咁大粒都只係$48，性價比高，見有得轉大麵條，好奇一試，原來係上海粗麵，份量也不少，加埋啲肉燥，吊一吊味，湯底不是奶白色的豬骨湯，但味道也不錯，服務方面，老實講就真係無咩特別可言，不過簡單食個午餐而言都係一個不錯嘅選擇.#麵#葵涌廣場#午餐#lunch#性價比高#餃子#🥟#骨湯#湯麵#🍜#ランチ#大大粒#ぎょうざ

同老婆行葵涌廣場之前緊係要入左油先有體力行街啦，平時食出面個幾間食到悶又多人坐滿哂，見到呢間係後巷位少d人就試下佢先。我就叫左碗九菜豬肉餃台灣麵，d餃大大粒，好夠熱，菜肉比例平均又夠味，麵質煙韌彈牙我都幾鍾意，湯底都有d味，成碗麵俾到驚喜我豬手有成5～6舊，炆得夠淋又入味，仲要勁大碗飯，食哂碗飯陣間真係唔使掃街我杯凍咖啡夠香濃係第2個驚喜，凍檸茶就正常水準，下次黎葵廣都要再食呢間先得#亞姐仲提我地7點前送野飲添呀

葵涌廣場實在太多好嘢食，真係有選擇困難症，好在朋友決定嚟呢一間，於是試吓啦，唔使我諗！坐低見到餐牌，有好多選擇，有拉麵，有飯，有餃子，即使大家想食嘅嘢唔同都搵到啱胃口嘅晚餐

收工時段葵涌廣場都好多人，而且出晒名小食店多，周圍都有人排隊買野食，朋友介紹左我去一間餃子專門店，時間還早，暫時未見太多人實在太好，即刻買黎試下，原本都驚買到返屋企會冇咁好食，但食落去真係有驚喜，冇介紹錯😎過橋鴛鴦豬肉餃子（12隻）$44貪心既我揀左九菜同野菜各一半🫢餃子好大隻，而且外皮好薄，一d都唔厚，唔會腍口，餡料非常多，我個人偏向九菜口味😍九菜同豬肉既比例亦恰到好處。$44有12隻咁大既餃子真係好抵食，大推！

大家可以來這個葵涌廣場，除了買衣服，買化妝品之外，就緊係食食食啦，行了一個下午，真的有點累，雖然唔肚餓，但都真係要食晚餐，我就輕食便滿足了，因為減緊肥，於是食了一碟12隻的椰菜豬肉餃子，朋友就食了咖哩牛腩飯。兩個人都食飽飽都係$94。

餐廳裝修簡單，都係食味道，好多人黎食，價錢都係$40-50範圍，不過飲品要另加，凍熱都係＋$6蕃茄濃湯豬潤拉麵 $44好味，豬潤份量起碼有10塊，真係冇諗過，麵底都好多，而且仲有芽菜咖喱牛腩湯拉麵 $44牛腩有少少筋位靭，不過咁反而仲好食，有嚼勁份量比豬潤少啲，肉質唔會好柴第一，上菜好快，落單後5-10分鐘到。第二，兩個麵底都係拉麵，比煙韌會過左少少，但係都係好好食

係葵廣除咗掃街之外，如果行到腳仔攰嘅話都可以搵間食店坐低休息吓。呢間係吃粉麵的小店有樣嘢係整得非常出色。就係餃子啦~ 佢唔係煎都唔係伴湯上碟。而係用烚嘅方式上碟再配上醋黎吃的。 感覺有啲似小龍包。🤣餃子有韭菜同椰菜兩款，分量就有6隻，8隻同12隻比你揀。即叫即整，大概15分鐘就有得吃喇。我就揀左韮菜豬肉餃，外表望落去脹卜卜size唔算細，未咬落去已經睇得出餃子皮夠哂薄仲隱約見到餡料。咬開就見到滿滿的餡。味道剛剛好，再沾埋醋一齊吃真係好夾。😋😋

There are a lot of restaurants in Kwai Chung Mall. However, sometimes it is difficult to decide where to have a lunch. My colleague recommends me 細妹姐.I ordered 麻辣肉碎雲吞湯麵. The noodle is soft and the soup is in the right level of spicy. However, I think it is not 雲吞，as there are no shrimp inside. But the dumplings are still tasty and really big in size.

係葵廣2樓嘅角落有間拉麵店，其實都幾隱閉haha 若非同事帶我去我都唔知🤣 雖然有兩個鋪位，但座位有限，lunch時段都full曬，要等位🤣 而且佢係開放式，靠商場冷氣同鋪頭風扇，某啲位會唔夠涼😂 次次食完都快快手上3樓飲嘢🤪——————————————————🍅🍜秘製鮮茄豬潤台灣麵 $42我鍾意食粉嘅豬潤，呢間就合哂我要求🤣 鮮茄湯但唔會好酸，食到有薑味🤨 台灣麵底韌度剛好，份量好多🥰 仲有啲莞茜蔥、蕃茄粒係面，超like呀😘——————————————————❌不設加一服務費🔄Encore 指數 8/10 (雖然茄牛麵唔係勝香園嘅味道，但都係唔錯嘅🤪)