Video
Read full review
2023-05-15
42 views
本身諗住去呢條街度買麵包，行過見到呢間好靚嘅川菜，個friend咁啱又話想食辣嘢，咁dinner 就食佢啦！老壇酸菜魚呢度嘅酸菜魚用咗脆肉鯇做魚底，份量超多，魚皮爽口，肉質脆彈，夾埋佢嘅酸菜魚湯一齊食，十分惹味，湯底入面仲有食之不盡嘅配菜，有超入味嘅大荳芽，同埋又滑又煙靭嘅寛粉，當然仲有主角酸菜，另外再自己加配左同酸菜魚好夾嘅萵筍。螞蟻上樹呢碟餸首先要讚一讚個廚房，因為呢間舖頭係自己用QR code落單嘅，我地剔左走芫荽同走青，廚房怕我地係只走芫荽或者係蔥，所以起菜前特別再叫侍應同我地confirm多次，係淨係走芫荽定全走，非常細心。螞蟻上樹 其實即係炒粉絲，粉絲炒得好入味，唔會炒到淋patpat痴實哂，亦唔會好硬，夾雜住肉碎紅椒粒，味道豐富。乾扁四季豆平時食四季豆，最怕食到最後一口渣果啲，但係呢個四季豆非常嫩，都好爽脆，辣度適中，送飯一流。薄荷青檸乳酸梳打呢個飲品好清新，青檸唔會太酸，加埋乳酸同薄荷，味道出奇地夾，帶微酸又唔會太甜，食完啲濃味嘢飲返呢個有氣梳打就爽曬，油膩一掃而空。紅糖糍粑每次食川菜都必點呢個甜品，新鮮炸起嘅糍粑口感軟糯，熱辣辣外脆內軟，外邊灑滿黃豆粉，點埋超香嘅黑糖
老壇酸菜魚
呢度嘅酸菜魚用咗脆肉鯇做魚底，份量超多，魚皮爽口，肉質脆彈，夾埋佢嘅酸菜魚湯一齊食，十分惹味，湯底入面仲有食之不盡嘅配菜，有超入味嘅大荳芽，同埋又滑又煙靭嘅寛粉，當然仲有主角酸菜，另外再自己加配左同酸菜魚好夾嘅萵筍。
螞蟻上樹
呢碟餸首先要讚一讚個廚房，因為呢間舖頭係自己用QR code落單嘅，我地剔左走芫荽同走青，廚房怕我地係只走芫荽或者係蔥，所以起菜前特別再叫侍應同我地confirm多次，係淨係走芫荽定全走，非常細心。
螞蟻上樹 其實即係炒粉絲，粉絲炒得好入味，唔會炒到淋patpat痴實哂，亦唔會好硬，夾雜住肉碎紅椒粒，味道豐富。
乾扁四季豆
平時食四季豆，最怕食到最後一口渣果啲，但係呢個四季豆非常嫩，都好爽脆，辣度適中，送飯一流。
薄荷青檸乳酸梳打
呢個飲品好清新，青檸唔會太酸，加埋乳酸同薄荷，味道出奇地夾，帶微酸又唔會太甜，食完啲濃味嘢飲返呢個有氣梳打就爽曬，油膩一掃而空。
紅糖糍粑
每次食川菜都必點呢個甜品，新鮮炸起嘅糍粑口感軟糯，熱辣辣外脆內軟，外邊灑滿黃豆粉，點埋超香嘅黑糖黎食就係正😋
Post
