Lab Eat Bistro (豉油街) (Closed)

😍翡翠螺其中一款任食既海鮮，啲螺肉好大隻囉！啲螺肉好新鮮，完全唔會覺得霉或者臭，好彈牙好爽口，食到海鮮嘅鮮甜味，食唔停口呀！🥰黯然銷魂飯一個整得好好嘅叉燒蛋飯，叉燒每一塊都燒到好脆，啲肉又好腍好有肉汁，食到蜜糖嘅焦香，隻蛋亦都煎得好靚，啲蛋白好滑，篤穿個蛋黃就真係完全流心，啲飯嘅質地都好好，超好食！😘溫泉蛋海膽醬意大利飯成個意大利飯都係橙黃色，真係用咗好濃嘅海膽醬去煮，所以好鮮味，亦都真係食到啲海膽，好綿密，啲飯唔會太軟，唔會一pat pat，再加埋溫泉蛋，真係煮得好好，完全流心，整得好好食！