金鑽車仔麵茶餐廳 (Closed)

最近唔知胃口係唔係大左好多既關係，Lunch食飯時，總希望搵到一間既飽肚又好味的餐廳，終於有一日同同事無無聊聊係灣仔閒逛搵野食時，發現一間外表平平無奇，但內裡既客似雲來的茶餐廳，位處的地方更加沒有理由會行入去。這間金鑽茶餐廳是以賣碟頭飯及車仔麵為主，入到去好多人都會食碟頭飯，但份量真的驚人，想像一下三個OL共同分享的情況下也可飽肚的，可知份量有幾驚人。初次幫襯時，食了一味椒鹽骨飯，試問有邊間茶餐廳可以將碟頭飯既份量做成小菜份量咁多，居然有成八塊一半普通豬扒體型的份量，而且味道唔錯，有好香的辣椒蒜頭味，但就不似炸過，只是煎過，整體接受。被一道炸牛仔肉飯吸引，可自行選配醬汁，今次要了咖哩汁，當然份量都仍然大份，但牛仔肉不知是否來貨價貴，所以份量比平時的少，但呢到既炸野既質素幾好的，每件牛仔肉都相當脆身，內裡仍然肉汁豐富。咖哩汁就偏向辣少少，配合吉列食物，送飯都好。只要每次食lunch前是極度肚餓的，就會提議到這，因為每次的份量都令我可以唔食下午茶，以致夜晚九點後才會肚餓的，再加上有一大堆菜增加饍食均衡，最後這裡的咖哩汁確實味道算是OK，餸同飯的比例又可以維持於1:1，十分難得。更多資料：h