Video
Read full review
2019-09-01
1614 views
#翠湖海鮮飯店 (西環)西環堅尼地城吉席街61號卿旺大廈地舖-----唔知大家係咪同B仔一樣 總有幾個朋友 明明係後生仔 但成個老人家咁 淨係中意食中餐 約佢食早餐 佢會話去飲茶 唔係食M記 約佢食Dinner 佢會建議食酒樓 而唔係食西餐😆前幾日B仔就約左呢個熱愛中餐嘅朋友仔食Dinner 今次佢就帶左我黎西環呢間新開唔係好耐嘅酒樓食飯😊-----川味砂薑豬手（例-$68）朋友話呢碟豬手係翠湖嘅招牌之一 佢次次黎都必點 豬手嚟到之後 B仔當堂比佢個Size嚇左一嚇 68蚊一碟 真係無諗過份量會多得咁誇張 食落帶輕微辣辣地 但又唔會太辣 唔食得辣嘅人都一定handle到 質感就煙煙韌韌 豬肉軟諗 豬皮Q彈 咬落啖啖骨膠原 正🐖-油浸筍殼魚（$98）叫呢一款魚係因為從來未食過筍殼魚 所以想試一試 結果竟然一試就愛上 呢種魚 多肉少骨 味道鮮甜 魚肉好嫩 嫩到有D似鱈魚 但又比鱈魚多幾分彈牙 油浸完之後 食落非常香脆又滑溜 令B仔非常好奇點解香港唔多地方有得食 上網做完research先發現 原來筍殼魚生長時間較長 養殖需時 魚質鮮美嫩口 為淡水魚中嘅上品 所以一般來貨價較貴 that's
西環堅尼地城吉席街61號卿旺大廈地舖
-----
唔知大家係咪同B仔一樣 總有幾個朋友 明明係後生仔 但成個老人家咁 淨係中意食中餐 約佢食早餐 佢會話去飲茶 唔係食M記 約佢食Dinner 佢會建議食酒樓 而唔係食西餐😆前幾日B仔就約左呢個熱愛中餐嘅朋友仔食Dinner 今次佢就帶左我黎西環呢間新開唔係好耐嘅酒樓食飯😊
-----
川味砂薑豬手（例-$68）朋友話呢碟豬手係翠湖嘅招牌之一 佢次次黎都必點 豬手嚟到之後 B仔當堂比佢個Size嚇左一嚇 68蚊一碟 真係無諗過份量會多得咁誇張 食落帶輕微辣辣地 但又唔會太辣 唔食得辣嘅人都一定handle到 質感就煙煙韌韌 豬肉軟諗 豬皮Q彈 咬落啖啖骨膠原 正🐖
-
油浸筍殼魚（$98）叫呢一款魚係因為從來未食過筍殼魚 所以想試一試 結果竟然一試就愛上 呢種魚 多肉少骨 味道鮮甜 魚肉好嫩 嫩到有D似鱈魚 但又比鱈魚多幾分彈牙 油浸完之後 食落非常香脆又滑溜 令B仔非常好奇點解香港唔多地方有得食 上網做完research先發現 原來筍殼魚生長時間較長 養殖需時 魚質鮮美嫩口 為淡水魚中嘅上品 所以一般來貨價較貴 that's why唔多地方有得食😆
-
潮蓮冬瓜盅（$168）同豬手一樣 size非常巨大 本來我地仲諗住叫白飯🍚 結果見到個冬瓜盅就放棄左呢個念頭 呢個冬瓜盅大到飲極都仲有 而且材料都好豐富 有鮮帶子仔 乾瑤柱 草菇 豬肉粒 蝦 蟹柳 蓮子同絲瓜等等 湯底好鮮甜 解渴又清熱氣 夏天飲真係一流😁
-
♥︎B仔本來以為呢間係新開嘅高質酒樓 後來朋友話我知 其實呢間翠湖係西灣河人氣老牌海鮮飯店 係炮台山都有分店 而我地食呢間 係佢新開嘅西環分店😁（呢位中餐達人朋友果然咩都知）
♥︎附送嘅甜品 南瓜西米露亦唔錯 唔會太甜膩
-----👶🏻B仔整體評價：8/10個👍🏻
👶🏻B仔抵食程度：8/10個👍🏻
（食物份量好多）
👶🏻B仔環境評分：8/10個👍🏻
（新裝修幾乾淨）
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowkennedytown
Post
