Video
Read full review
2016-08-02
1410 views
呢日去咗粉嶺聯和墟內薄有名氣嘅大蕃薯。裝修係港式餐廳風格，當時食客唔多，都幾舒服。我哋分別叫咗兩份午餐。雜菜湯（只得一碗，另一個午餐唔包餐湯），無咩酸味，反而偏鹹，不過椰菜、西芹、胡蘿蔔、洋蔥嘅份量幾多。朋友跟餐要咗凍檸茶，我就一向鍾意食番薯同抹茶嘅嘢，見呢度有唔少用番薯沖調嘅飲品，於是加錢叫咗呢個番薯奶茶，第一啖飲到番薯嗰種粉粉哋嘅質感，佢嘅甜味比較輕微，奶茶底就茶味比奶味濃郁，我覺得唔加糖飲都OK。鮮茄鹹豬手湯麵，朋友話豬手煮得幾軟腍，而湯底就同我頭先碗雜菜湯類同。煎雞扒伴特色沙律，雞扒用黑椒調味，油份偏多都係無可避免，不過塊扒煎得外皮微脆香口。特色沙律堆疊如小山，入面有甘薯（黃番薯）同蘋果粒，甘薯綿軟，蘋果微酸爽口。配上沙律醬，非常飽肚但又唔會太膩。收銀處旁邊有個凍櫃，擺咗佢哋自家製嘅蛋糕。我哋臨走時買咗傳統蘋果批同薑汁甘薯批，朋友嘅傳統蘋果批好厚，入面啲蘋果切成一片片，都幾有肉桂香。薑汁甘薯批整件都塞滿甘薯蓉，仲有少少薑汁香味，但入面較多一絲絲、咀嚼唔到嘅纖維。兩件味道尚可，不過批皮被餡料整到較為濕潤，無咗脆脆嘅口感，驚喜度唔大。番薯係知名嘅保健食品，好易買之餘價錢又唔貴，仲有
呢日去咗粉嶺聯和墟內薄有名氣嘅大蕃薯。
裝修係港式餐廳風格，當時食客唔多，都幾舒服。
我哋分別叫咗兩份午餐。
雜菜湯（只得一碗，另一個午餐唔包餐湯），無咩酸味，反而偏鹹，不過椰菜、西芹、胡蘿蔔、洋蔥嘅份量幾多。
朋友跟餐要咗凍檸茶，我就一向鍾意食番薯同抹茶嘅嘢，見呢度有唔少用番薯沖調嘅飲品，於是加錢叫咗呢個番薯奶茶，第一啖飲到番薯嗰種粉粉哋嘅質感，佢嘅甜味比較輕微，奶茶底就茶味比奶味濃郁，我覺得唔加糖飲都OK。
鮮茄鹹豬手湯麵，朋友話豬手煮得幾軟腍，而湯底就同我頭先碗雜菜湯類同。
煎雞扒伴特色沙律
$56
44 views
0 likes
0 comments
收銀處旁邊有個凍櫃，擺咗佢哋自家製嘅蛋糕。
我哋臨走時買咗傳統蘋果批同薑汁甘薯批，朋友嘅傳統蘋果批好厚，入面啲蘋果切成一片片，都幾有肉桂香。薑汁甘薯批整件都塞滿甘薯蓉，仲有少少薑汁香味，但入面較多一絲絲、咀嚼唔到嘅纖維。兩件味道尚可，不過批皮被餡料整到較為濕潤，無咗脆脆嘅口感，驚喜度唔大。番薯係知名嘅保健食品，好易買之餘價錢又唔貴，仲有豐富嘅纖維素同維他命C等，既促進腸道健康，仲可以美顏抗氧化。
Post
