Video
Read full review
2021-01-06
999 views
【💛 】🉑：外賣自取 | apps⭐評分: 8.5/10———————————————位於大西北嘅熱狗外賣店，小食全部都大大份、價錢又平，熱狗同樣大大隻包食飽，天水圍人除咗齊柏林仲有個好選擇，好幸福啊你哋！💛——————————————————▪️ 英式風情 $42▪️ 當塔塔遇上吞拿魚 $36 ▪️ 大脆炸薯角 $16 洋蔥圈 $18 脆香雞粒$32▪️ 歐陸田園沙律$32 兩個熱狗都爆晒餡，一打開已經流晒口水，吞拿魚熱狗上面鋪滿自家製白汁吞拿魚，仲有啲粟米同青瓜解膩，一啖咬落去係酸酸甜甜同好rich嘅口感，咬到腸食到有少少鹹味，估唔到咁樣溝埋一齊都幾夾！🤣 個包體係較plain，無咁重牛油味、麵粉香較重嘅version，同齊柏林個種令立立嘅甜包，又有唔同風味，不過都好鬆軟，而且無比醬汁浸濕個包～佢地嘅出品全部都係用大大碌、脆皮嘅法蘭克福腸！不過發現無論邊間熱狗店，條腸都係無煎香，唔知係咪太多單所以好難做到，但明明用咗脆皮腸，唔煎香佢真係少少嘥～ 😖另一個係英式風情，入面有沙律菜、蕃茄、煙肉、滑蛋、蘑菇，根本就係將成個all day 塞返落去，超有分量！食落香脆嘅煙肉，鹹香味襯
【💛 】
🉑：外賣自取 | apps
⭐評分: 8.5/10
———————————————
位於大西北嘅熱狗外賣店，小食全部都大大份、價錢又平，熱狗同樣大大隻包食飽，天水圍人除咗齊柏林仲有個好選擇，好幸福啊你哋！💛
——————————————————
▪️ 英式風情 $42
▪️ 當塔塔遇上吞拿魚 $36
▪️ 大脆炸薯角 $16 洋蔥圈 $18 脆香雞粒$32
▪️ 歐陸田園沙律$32
兩個熱狗都爆晒餡，一打開已經流晒口水，吞拿魚熱狗上面鋪滿自家製白汁吞拿魚，仲有啲粟米同青瓜解膩，一啖咬落去係酸酸甜甜同好rich嘅口感，咬到腸食到有少少鹹味，估唔到咁樣溝埋一齊都幾夾！🤣
個包體係較plain，無咁重牛油味、麵粉香較重嘅version，同齊柏林個種令立立嘅甜包，又有唔同風味，不過都好鬆軟，而且無比醬汁浸濕個包～
佢地嘅出品全部都係用大大碌、脆皮嘅法蘭克福腸！不過發現無論邊間熱狗店，條腸都係無煎香，唔知係咪太多單所以好難做到，但明明用咗脆皮腸，唔煎香佢真係少少嘥～ 😖
另一個係英式風情，入面有沙律菜、蕃茄、煙肉、滑蛋、蘑菇，根本就係將成個all day 塞返落去，超有分量！食落香脆嘅煙肉，鹹香味襯托返個滑蛋，加上少少茄醬味，成件事夾埋嘅終極味道，竟然係同傳統熱狗差唔多 😹 不過口感真係超豐富，好幸福～
薯角、洋蔥圈同脆香雞粒都好大份，脆香雞粒叫咗紫菜味，應該叫椒鹽／芝士味會再香口啲，但呢個都幾正，一啖一粒完全停唔到口😆洋蔥圈個粉厚咗啲，咬落去好實，一般。薯角係普通嘢，但好好食～
btw 超欣賞佢哋嘅包裝，外賣店少不免要用即棄嘢，佢哋絕大部分都係紙製器皿，仲要個設計好細心，熱狗盒個蓋連接位有虛線，可以輕鬆撕開，食個時超級方便！😚
✨ 熱狗太太 ✨
📍 天水圍T Town北翼地下街市1001號 （頌富／天富站）
⏰ 1100－2345
Post
