銘興酸菜魚 (Closed)

同家姐出旺角食晚飯，今次嚟咗呢間位於大角咀嘅「銘興酸菜魚」。店舖十分光猛整潔，裝修簡單而有心思，座位約共有50個左右。餐廳招牌菜酸菜魚，亦有水煮魚、水煮牛，牛蛙、牛腸 、小酥肉等一人餐。此外，亦有各款小食及小龍蝦供應。《銘興招牌無刺老壇酸菜魚》（$58）當然必試招牌菜酸菜魚。可以自選配飯、紅薯粉、米線或拉麵；有大中小辣可揀。選了紅薯粉少辣。酸菜魚上枱夠熱，先嚐一口湯果然鮮甜美味。目測配料頗多，有辣椒干、蒜粒、萵筍片，木耳、酸菜、娃娃菜、金菇等，魚肉入口鮮甜肉滑，的確相當不錯。《紫蘇牛蛙配飯》（$78）同樣牛蛙份量很多，有飯有飲品，性價很高。選了少辣，牛蛙肉肥美加埋紫蘇香味，配白飯不錯。《涼拌木耳》（$35）木耳拌上青瓜絲、花生，開胃好味。《爽脆魚皮》（$58）員店推介要試，果然夠爽脆，拌入藤椒，味道更豐富。《香炸墨魚餅》（$40）墨魚餅即叫即製，熱辣辣，肉質彈牙鮮美，本人推薦要試。《紅糖糍粑》（$45）同是即叫即做，可向店員要求後起。呢款比較特别，紅糖包在糍粑内，有流心效果，趁熱食味道更佳。