上海老家 (Closed)

呢間上海菜位於比較街尾嘅大角咀位置， 門面簡單直接，一睇就知係食上海菜。 由於疫情嘅關係餐廳都特設咗用QR code落單， 方便大家減少接觸嘅機會。 今日食物方面我就叫咗一個好耐冇食過嘅排骨炒飯，平時食上海菜一定會食菜飯，但係呢度有炒飯所以試一下佢！ 食上海菜都唔會少得飲酸辣湯。 先講返個排骨炒飯，鑊氣好夠喉，排骨肉質唔會好硬實！ 我個人幾中意。 再加上醬汁嘅配搭十分match , 中意食上海排骨既各位可以一試另外酸辣湯味道好正宗，酸同辣balance得好好。 而家用料十足，每一羹都會食到材料。 前菜方面就叫咗個陳醋木耳，木耳爽口配搭陳醋汁好開胃仲有一碟太白醉雞， 酒味香濃， 雞肉好滑， 中意酒味既你就岩曬！